Gujarati News

Gujarati News

News of Monday, 22nd April 2019

તીરૂપતી સોસાયટીમાં મર્સિડીઝ કારે ત્રણ બાઇકને ઉલાળ્યા

લત્તાવાસીઓએ કારનો પીછો કરી મોબાઇલમાં ફોટો પાડી લીધોઃ ફરિયાદ નોંધાતા કાર ચાલકની શોધ

રાજકોટઃ ગ્રીનલેન્ડ ચોકડી પાસે આવેલી તિરૂપતી સોસાયટીમાં શેરીનં. ૩માં પૂરઝડપે પસાર થતી મર્સિડીઝ કાર ચાલકે ત્રણ બાઇકને ઉલાળતા અકસ્માત સર્જાતા આસપાસના લોકો એકઠા થઇ ગયા હતા અને શેરીમાંથી પસાર થયેલી કારે જીતેશભાઇ વાઘજીભાઇ અજાણી તથા તેના પાડોશી ધવલસિંહ રાજપૂત અને વજુભાઇ મોલીયાની બાઇકમાં નુકશાન પહોંચાડયંું હતું. જેમાં જી.જે. ૩ સી.બી. ૫૮૪૬ અને જી.જે. ૩ એફ.ઇ. ૪૭૩૪ નંબરની બાઇકમાં તેમજ જી.જે. ૩ જે.જે. ૫૨૬૧ નંબરના બાઇમાં આગળના ભાગે નુકશાન થયું હતું. અને કમલેશભાઇ માલાણી નામના રહેવાસીએ પોતાના બાઇક પર ભાગી ગયેલી કારનો પીછો કરી પોતાના મોબાઇલમાં ફોટો પાડી લીધો હતો. બાદ તિરૂપતિ સોસાયટીમાં રહેતા જીતેશભાઇ વાઘજીભાઇ અજાણીએ બી ડિવીઝન પોલીસ મથકમાં ફરિયાદ નોંધાવતા પોલીસે જી.જે. ૩ કે.પી. ૯૮૧૬ નંબરની  મર્સિડીઝ કાર ચાલક વિરૂદ્ધ ગુનો દાખલકરી પીએસઆઇ એન.જે. જાડેજાએ ચાલકની શોધખોળ આદરી છે.

(3:47 pm IST)
  • નરેન્દ્રભાઇ મમતાના ગઢમાંથી બીજી બેઠક ઉપરથી ચૂંટણી લડશે ? ગમે તે ઘડીએ જાહેરાત થવાની સંભાવના: અમિતભાઇ કોલકત્તામાં મહત્વની જાહેરાત કરે તેવી ભારે ચર્ચાઃ ટૂંક સમયમાં પત્રકારોને સંબોધશેઃ પશ્ચિમ બંગાળમાં ભારે ચર્ચા છે કે, નરેન્દ્રભાઇ મોદી વારાણસી ઉપરાંત બીજી બેઠક પશ્ચિમ બંગાળમાં મમતા બેનર્જીના હોમગ્રાઉન્ડ ઉપરથી લડશે access_time 12:33 pm IST

  • કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના પોલીંગ એજન્ટ તરીકે રહી શકાશેઃ હાઈકોર્ટનો ચુકાદો : કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના વ્યકિત પોલીંગ એજન્ટ તરીકે કામ કરી શકશે તેવો હાઈકોર્ટે ચુકાદો આપ્યો છેઃ પોરબંદર પંથકમાંથી હાઈકોર્ટમાં પીટીશન દાખલ કરવામાં આવ્યા બાદ હાઈકોર્ટે ચુકાદો આપ્યો access_time 4:12 pm IST

  • ક્રુડના ભાવ વધારાની અસરઃ સેન્સેકસ ૩૦૦ પોઇન્ટ ડાઉન : ક્રુડના ભાવ વધારાએ શેર બજારની તેજીને બ્રેક લગાવી ર.૧પ કલાકે સેન્સેકસ ૩૧૦ પોઇન્ટ ઘટીને ૩૮૮૩૦ અને નીફટી ૧૦૮ પોઇન્ટ ઘટીને ૧૧૬૪૪ ઉપર છેઃ ડોલર સામે રૂપિયો ૬૯.પર ઉપર ટ્રેડ કરે છે. access_time 3:53 pm IST