Gujarati News

Gujarati News

News of Monday, 22nd April 2019

માધાપરના આંબેડકરનગરના મહેશ પરમારને પસ્તોલ સાથે પકડી લેવાયો

વણકર શખ્સને એકટીવા પર શિતલ પાર્ક રોડ પરના ઉગતા પોરની મેલડી માતાજીના મંદિર પાસેથી ક્રાઇમ બ્રાંચે સકંજામાં લીધો

રાજકોટ તા. ૨૨: શહેરના ગાંધીગ્રામના શિતલપાર્કથી એરપોર્ટ રોડ પર ઉગતા પોરના મેલડી માતાજીના મંદિર પાસેથી જામનગર રોડ માધાપરના આંબેડકરનગર-૧માં રહેતાં વણકર શખ્સ મહેશ વિઠ્ઠલભાઇ પરમાર (ઉ.૨૪)ને ક્રાઇમ બ્રાંચે રૂ. ૧૦ હજારની પિસ્તોલ સાથે પકડી લીધો છે.

લોકસભાની ચૂંટણી અંતર્ગત ઉચ્ચ અધિકારીઓ અને એસીપી ક્રાઇમ જે. એચ. સરવૈયાની રાહબરીમાં તથા પીઆઇ એચ. એમ. ગઢવીની સુચના મુજબ પીએસઆઇ એસ. વી. પટેલ, હેડકોન્સ. હિતેન્દ્રસિંહ ઝાલા, કોન્સ. અમીનભાઇ ભલુર, જયદિપસિંહ જાડેજા, પ્રદ્યુમનસિંહ ઝાલા, હિરેન્દ્રસિંહ પરમાર સહિતની ટીમ પેટ્રોલીંગમાં હતી ત્યારે અમીન ભલુર, પ્રદ્યુમનસિંહ અને હિરેન્દ્રસિંહની બાતમી પરથી વોચ રાખી શિતલપાર્ક રોડ પર મેલડી માતાજીના મંદિર પાસેથી મહેશ એકટીવામાં નીકળતાં અટકાવીને તલાશી લેતાં પિસ્તોલ મળતાં ધરપકડ કરવામાં આવી હતી. પોલીસની પ્રાથમિક તપાસમાં ખુલ્યા મુજબ હાલમાં મહેશ અતુલ રિક્ષાના ફેરા કરે છે. અગાઉ ટ્રક ડ્રાઇવિંગ કરતો હતો ત્યારે યુપી ગયો હોઇ ત્યાંથી શોખ માટે આ હથીયાર લાવ્યો હતો. જો કે તેની આ કેફીયત ગળે ઉતરતી ન હોઇ વિશેષ પુછતાછ માટે રિમાન્ડ મેળવવા તજવીજ હાથ ધરવામાં આવી છે. આ શખ્સ અગાઉ મારામારી અને દારૂના ગુનામાં પણ સંડોવાઇ ચુકયાનું પોલીસ સુત્રોએ કહ્યું હતું. વધુ તપાસ હિતુભા ઝાલા ચલાવે છે.

(3:46 pm IST)
  • શહિદ પોલીસ અધિકારી હેમંત કરકરે વિરૂધ્ધ નિવેદન અંગે સાધ્વી પ્રજ્ઞાને પણ ચુંટણી પંચે નોટીસ આપી : સાધ્વી પ્રજ્ઞાસિંહ ઠાકુરની પોતાના નિવેદન પર સ્પષ્ટતાઃ સત્ય સામે જરૂર આવે છેઃ દેશ વિરોધી-ધર્મવિરોધી લોકો પોતાના અંતની ચિંતા કરેઃ મને ૯ વર્ષ સુધી જેલમાં રાખવામાં આવીઃ સાધ્વીના અંતની વાત ના કરે access_time 4:01 pm IST

  • ભારતીય વાયુસેનામાં નોકરી આપવાના બહાને 400 લોકો સાથે છેતરપિંડી : બે એન્જીનીયરોની ધરપકડ : નકલી વેબસાઈટ બનાવી લોકો સાથે ઠગાઈ કરતા હતા ; ઝડપાયેલા મહેન્દ્રસિંહ અને વિકાસ સ્વામીએ રાજસ્થાનના ચુરુ પાસેના રાજગઢથી બીસીએ કર્યું હતું access_time 1:10 am IST

  • ઇન્દોરમાં સ્વાઈનફ્લૂનો હાહાકાર ;ગરમીના દિવસોમાં પણ સ્વાઈનફ્લૂનો ફૂફાડો : દર બીજા દિવસે એક દર્દીનું મોત : 35 વર્ષીય મહિલાના મોટ બાદ આ ઘાતક બીમારીથી મૃતકોની સંખ્યા વધીને 60 ના આંકે પહોંચી : છેલ્લા સાડા ત્રણ મહિનામાં સ્થાનિક હોસ્પિટલમાં 206 સ્વાઈન ફ્લૂના કેસ નોંધાયા access_time 1:04 am IST