Gujarati News

Gujarati News

News of Monday, 22nd April 2019

બુધવારે શ્રીમદ્દ રાજચંદ્રજી દેહોત્સર્ગદિન નિમિતે ભકિત મૌનરેલી : ચાર દિવસ ભકિત-સ્વાધ્યાય

રાજકોટ તા. ૨૦ : શ્રીમદ્દ રાજચંદ્ર જ્ઞાન મંદિર ટ્રસ્ટ રાજકોટ દ્વારા મહાત્મા ગાંધીજીની આધ્યાત્મિક ગુરૂ એવા શ્રીમદ્દ રાજચંદ્રજીના દેહોત્સર્ગ દિન નિમિતે તા. ૨૨ થી ૨૫ શ્રીમદ્દ રાજચંદ્ર જ્ઞાનમંદિર સીતારામ પંડિત માર્ગ, આકાશવાણી રાજકોટ ખાતે ભકિત સ્વાધ્યાયનું આયોજન કરાયુ છે.

કાલે તા. ૨૩ ના મંગળવારે જ્ઞાનમંદિરમાં પ.કૃ.દેવના ચરણપાદુકાની સ્થાપના, નવનિર્મિત ગર્ભદ્વારનું અનાવરણ, વનચામૃતજીની સ્થાપના, મહાવીર પ્રભુની પ્રતિમાની સ્થાપના તેમજ ચૈત્ર વદ પાંચમ તા. ૨૪ ના બુધવારે દેહોત્સર્ગ દિનના મુખ્ય દિવસે સમાધિ મંદિર, રામનાથપરા ખાતે ભકિત અને સ્વાધ્યાય તેમજ બપોરે સમાધિભવન, કાશી વિશ્વનાથ પ્લોટ ખાતે ભકિત અને મૌનયાત્રા તથા જ્ઞાનમંદિર ખાતે સ્વાધ્યાય રાખેલ છે.

સમગ્ર કાર્યક્રમમાં સ્વાધ્યાયકારો  રાકેશભાઇ ઝવેરી, ગોકુળભાઇ શાહ, નલીનભાઇ કોઠારી, સુરેશજી કોબા આશ્રમ, બહેન શ્રી રત્નાપ્રભુ અને બહેન સુધાબેન શેઠ, મુમુક્ષુઓને જ્ઞાનનું અમૃતપાન કરાવશે.સર્વે મુમુક્ષુઓને લાભ લેવા શ્રીમદ્દ રાજચંદ્ર જ્ઞાન મંદિર ટ્રસ્ટ દ્વારા અનુરોધ કરાયો છે.

(3:40 pm IST)
  • વડાપ્રધાન મોદીના તા. 25 એપ્રિલે વારાણસીમાં થનાર મેગા રોડ શો માટે આજથી ભાજપે વારાણસીમાં ઘરે ઘરે જઈને રોડ શોમાં આવવાનું આમંત્રણ આપવાનું અભિયાન શરૂ કર્યું છે : અમિતભાઇ પણ આ રોડ શોમાં હાજર રહેશે અને બીજા દિવસે નરેન્દ્રભાઈ સાથે લોકસભા ચૂંટણીનું નામાંકન પત્ર ભરતી વખતે પણ વડાપ્રધાનની સાથે રહેશે : હવે સૌ કોઈની નજર કોંગ્રેસ પર કેન્દ્રિત થઈ છે કે પ્રધાનમંત્રી મોદીની સામે કોંગ્રેસ કોને ચૂંટણી લડાવશે? access_time 9:04 pm IST

  • વારાણસીમાં નરેન્દ્રભાઈ સામે પ્રિયંકા ગાંધી જુકાવી રહ્યાની જોરશોરથી ચાલો રહી છે ચર્ચા : કોંગ્રેસ જબ્બરદસ્ત દાવ ખેલવાની તૈયારીમાં : દેશભરમાં ભારે ઉત્તેજના : સત્તાવાર જાહેરાત ગમે તે ઘડીએ શક્ય access_time 9:13 pm IST

  • ઇન્કમટેક્સ વિભાગે સપાટો બોલાવ્યો : દિલ્હીના ઇન્વેસ્ટિગેટિવ વિંગના DG સહિત દિલ્હી - એનસીઆર, ભોપાલ, ઇન્દોર અને ગોવામાં અનેક જગ્યાઓએ એક સાથે રેડ પાડી અને સર્ચ ઓપરેશન હાથ ધર્યું છે : આધારભૂત બાતમીના આધારે મોટાપાયે કાળા નાણાંનો સંગ્રહ અને હેરાફેરીને રોકવા ITએ આ ઓપરેશન હાથ ધર્યું હોવાનું જાણવા મળે છે : 6 મોટા વ્યવસાયિક ઘરો, 2 મોટી આંગડિયા પેઢી, 2 મોટા જમીનોના દલાલ સહિત 1 બહુ મોટા જવેલર્સ ઇન્કમરેક્સના રાડારમાં હોવાનું કહેવાય રહ્યું છે અને આ તમામ કોઈ ને કોઈ રીતે રાજકારણ સાથે સંકળાયેલા હોવાનું ચર્ચાય રહ્યું છે. access_time 8:07 pm IST