Gujarati News

Gujarati News

News of Monday, 22nd April 2019

કુંડારિયા ગમે કે ગમે કગથરા ? : કાલે ૧૮.૮૪ લાખ મતદારો માટે જનાદેશનો અવસર : ર૦પ૦ મત મથકો

રાજકોટ લોકસભા બેઠકની ચૂંટણીની તૈયારીને આખરી ઓપ : દિવ્યાંગો-વૃદ્ધો માટે અલાયદી વ્યવસ્થા

રાજકોટ, તા. રર : લોકસભાની રાજકોટ બેઠક માટે આવતીકાલે સવારે ૭થી સાંજે ૬ વાગ્યા સુધી મતદાન થનાર છે. જિલ્લા કલેકટર રાહુલ ગુપ્તાના માર્ગદર્શન હેઠળ વ્યવસ્થા ગોઠવવામાં આવી છે. આજે સવારથી સ્ટાફને ફરજ સ્થળે રવાના કરાયેલ છે. જોરદાર ચૂંટણી પ્રચારના પડધમ ગઇકાલે સાંજથી શાંત થઇ ગયા છે.

રાજકોટ બેઠકમાં ૧૮.પ૪ લાખ મતદારો અને ર૦પ૦ મતદાન મથકો છે. હજારો કર્મચારીઓની ચૂંટણી ફરજ પર મૂકાયા છે. દરેક મતદાન મથક પર સી.આર.પી.એફ. અને પોલીસ, એસ.આર.પી. વગેરે બંદોબસ્ત ગોઠવાયેલ છે. દિવ્યાંગો અને સીનિયર સીટીજન્સ માટે અલાયદી વ્યવસ્થા ગોઠવવામાં આવી છે.

રાજકોટ બેઠકમાં ભાજપના મોહનભાઇ કુંડારિયા અને કોંગીના લલિતભાઇ કગથરા સહિત ૧૦ ઉમેદવારો મેદાને છે. કાલે સવારે ૭ થી સાંજે ૬ વાગ્યા સુધી મતદાન થયા બાદ ર૩ મેએ મતગણતરી થશે. મતદારોની પસંદગી તેજ દિવસે જાણવા મળશે.

(12:10 pm IST)
  • ક્રુડના ભાવ વધારાની અસરઃ સેન્સેકસ ૩૦૦ પોઇન્ટ ડાઉન : ક્રુડના ભાવ વધારાએ શેર બજારની તેજીને બ્રેક લગાવી ર.૧પ કલાકે સેન્સેકસ ૩૧૦ પોઇન્ટ ઘટીને ૩૮૮૩૦ અને નીફટી ૧૦૮ પોઇન્ટ ઘટીને ૧૧૬૪૪ ઉપર છેઃ ડોલર સામે રૂપિયો ૬૯.પર ઉપર ટ્રેડ કરે છે. access_time 3:53 pm IST

  • અભિનેતાથી નેતા બની શકે છે અક્ષયકુમાર : ગુરદાસપુરથી ટિકીટ ? : બોલીવુડ સ્ટાર અક્ષયકુમાર ચૂંટણીના મેદાનમાં ઉતરી શકે છે : ભાજપ તેમને ગુરદાસપુરથી ટિકીટ આપે તેવી શકયતા છે : આ બેઠક અગાઉ વિનોદ ખન્નાની હતી access_time 3:23 pm IST

  • ત્રીજા ચરણમાં ૧૧૬ બેઠકોઃ અડધાથી વધુ બેઠકો ઉપર ભાજપનો કબ્જોઃ આ વખતે રાહ સરળ નથી: કાલે ૧પ રાજયોની ૧૧૬ બેઠક પર મતદાનઃ આ ચરણમાં ભાજપની પ્રતિષ્ઠા દાવ પરઃ જીતેલી બેઠકો જાળવી રાખવા પડકારઃ ત્રીજા ચરણની અડધાથી વધુ બેઠકો ભાજપ પાસે છેઃ કાલે વાયનાડથી રાહુલ ગાંધીના ભાગ્યનો પણ ફેંસલો થશેઃ ર૦૧૪ માં ૧૧૬ બેઠકોમાંથી એનડીએને ૬૭ બેઠકો મળી હતીઃ આમાંથી ૬ર બેઠક પર ભાજપ,૪ શિવસેના અને એક એલજેપીએ જીતી હતીઃ યુપીએને ર૬ બેઠકો મળી હતી જેમાં કોંગ્રેસને ૧૬, રાજદ ર, એનસીપી ૪, મુસ્લિમ લીગ ર, અને ૧ કેરળ કોંગ્રેસને મળી હતી. access_time 3:58 pm IST