Gujarati News

Gujarati News

News of Friday, 22nd January 2021

ધવલ કોઠારી તથા ઇશાની દવેનું નવું ગીત પ્રેમનો ચહેરો યુ ટયુબ ઉપર લોન્ચ

રાજકોટઃ ઇન્દોરમાં જન્મેલા અને મુંબઇથી સ્થાયી થયેલ ઉભરતો યુવા ગાયક અને ગીતકાર ધવલ કોઠારીએ તાજેતરમાં ગુજરાતની પ્રસિધ્ધ ગાયીકા ઇશાની દવે સાથે એક ભાવસભર ગુજરાતી ગીત 'પ્રેમનો ચહેરો' યુ-ટયુબ સહીતના બધા જ પ્લોટફોર્મ ઉપર આજે રર જાન્યુઆરીના રીલીઝ કરેલ છે.

ધવલ કોઠારીએ 'કોણ હલાવે લીમડી' , 'કહે જો પુનમનાં ચાંદને' , 'કેસરીયા મૈશઅપ' આ સહીત ઘણા બધા ગીતો આપ્યા છે. તેમણે ગૌતમ કાલે પાસેથી શાસ્ત્રીય સંગીતની તાલીમ લીધેલ છે. મુંબઇના શ્રી અજય પહોનકર પાસેથી પણ સંગીતની તાલીમ લીધેલ છે.

નવલ ગુજરાતી ગીત 'પ્રેમનો ચહેરો' ૨૦૨૧ માટે શાનદાર શરૂઆત છે. આ ગીતનું શુટીંગ મહેશ્વર (મધ્યપ્રદેશ) મનમોહક નર્મદા નદીનાં કિનારે થયું છે. આ સ્થળે ઘણા બધા બોલીવુડ ફિલ્મોનું પણ શુટીંગ થયેલ છે. આ સંગીત વિડીયો પ્યાર અને રોમાન્સથી ઓતપ્રોત છે. સૌંદર્યની નદી નર્મદાને કાંઠે શાનદાર નજારો આ સંગીત વિડીયોમાં જોવા મળશે. ગીતની રચના વિશાલ ખત્રીએ કરેલ છે. આ ગીતમાં ગુજરાતનો યુવા કંઠ કે જે દેશ-વિદેશમાં ખ્યાતી મેળવેલ ગાયક પ્રફુલ્લ દવેની દીકરી ઇશાની દવેની ખાસ ભુમીકા છે. પ્રફુલ્લ દવે વર્ષોથી સંગીત સમાજના રાજા રહયા છે. આ પિતા-પુત્રીની જોડીએ 'બોલ વાલમનાં', 'ગુલાબી', 'કીટ્ટા-બુચ્ચા' અને 'ગરબડીયો' જેવા ઘણા ગીતો અને લોકપ્રિય ટ્રેક બનાવ્યા છે. તાજેતરમાં ઇશાનીએ સચીન-જીગર સાથે એક એક ગીત લોન્ચ કરેલ જેને લોકોમાં સારી એવી લોકચાહના મેળવી રહી છે. ત્યારે હવે ગુજરાતી ગીત 'પ્રેમનો ચહેરો' યુ-ટયુબ સહીતના બધા જ પ્લોટફોર્મમાં આજથી ઉમેરાયું છે.

(3:59 pm IST)
  • ગુજરાતમાં પણ ઝડપભેર લવ જેહાદ વિરુદ્ધ કાયદો આવી રહ્યો છે : ગુજરાત સરકાર નજીકના ભવિષ્યમાં લવ જીહાદ વિરુદ્ધ નવો કાનૂન લાવી રહી છે કોંગ્રેસ પક્ષની આંતરિક ચૂંટણીઓ મે મહિનામાં યોજાય તેવી સંભાવના છે આજે કોંગ્રેસની કારોબારી બેઠક મળી રહી છે access_time 11:44 am IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST