Gujarati News

Gujarati News

News of Friday, 22nd January 2021

લોકડાઉન પછી ધંધામાં જામતું ન હોઇ કંટાળીને બજરંગવાડીના હરેશભાઇ સોલંકીનો આપઘાત

ઝેરી દવા પી જિંદગી ટુંકાવીઃ ધોબી કામ કરી ગુજરાન ચલાવતા હતાં: પરિવારમાં ગમગીની

રાજકોટ તા. ૨૨: કોરોનાને કારણે આવેલા લોકડાઉન પછી અનેકના ધંધા રોજગારની માઠી દશા થઇ હતી. હજુ પણ ઘણાની ગાડી પાટે ચડી શકી નથી. આ કારણે કંટાળીને ઘણીવાર કેટલાક લોકો ન ભરવાનું પગલુ ભરી બેસે છે. બજરંગવાડી-૧૪માં રહેતાં ધોબી આધેડ હરેશભાઇ મગનભાઇ સોલંકી (ઉ.વ.૪૫)એ લોકડાઉન પછી ધોબી કામનો ધંધો બરાબર જામતો ન હોઇ મુંજવણને કારણે ઝેર પી જિંદગી ટુંકાવી લેતાં પરિવારમાં કલ્પાંત સર્જાયો છે.

હરેશભાઇએ સાંજે આઠેક વાગ્યે ઘરે ઝેરી દવા પી લેતાં સારવાર માટે સિવિલ હોસ્પિટલમાં ખસેડાયા હતાં. અહિ ટૂંકી સારવારને અંતે દમ તોડી દીધો હતો. હોસ્પિટલ ચોકીના વી. એસ. નિનામાએ ગાંધીગ્રામ પોલીસને જાણ કરતાં પીએસઆઇ એ. વી. પીપરોતરે જરૂરી કાર્યવાહી કરી હતી.

આપઘાત કરનાર હરેશભાઇ બે ભાઇ અને એક બહેનમાં મોટા હતાં. સંતાનમાં બે પુત્ર છે. પોતે છુટક ધોબીકામ કરતાં હતાં. લોકડાઉન પછી કામમાં બરાબર જમાવટ ન થતી હોઇ આ કારણે ટેન્શનમાં રહેતાં હોવાથી આવુ પગલુ ભર્યાનું પરિવારજનોએ કહ્યું હતું. પોલીસે વિશેષ તપાસ યથાવત રાખી છે.

(12:57 pm IST)
  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST

  • રાજકોટ-68નાં કોંગ્રેસનાં પુર્વ ધારાસભ્ય ઈન્દ્રનીલ રાજ્યગુરુ, રાજકોટ મહાનગરપાલિકાનાં પુર્વ વિપક્ષી નેતા વશરામ સાગઠીયા સહિતનાં આગેવાનોની આજે મોડી રાત્રે અકિલા ચોકમાં અનશન ઉપર બેસતા ત્રીજી વખત અટકાયત કરતી રાજકોટ પોલીસ... access_time 11:10 pm IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST