Gujarati News

Gujarati News

News of Tuesday, 22nd January 2019

૧૫૦ ફૂટ રીંગ રોડ પર હોસ્પીટલમાં પાર્કિંગનાં અભાવે શિવમ્ પાર્કમાં વાહનોનાં ખડકલા

મ્યુ. કોર્પોરેશન લતાવાસીઓને આ સમસ્યામાંથી છોડાવે

રાજકોટ, તા. ૨૨ :. શહેરના ૧૫૦ ફૂટ રીંગ રોડ પર આવેલ હોસ્પીટલમાં વાહન પાર્કિંગની વ્યવસ્થાના અભાવે આ હોસ્પીટલના મુલાકાતીઓ પાછળ આવેલી શિવમ પાર્ક સોસાયટીમાં આડેધડ વાહન પાર્ક કરતા હોય આ સમસ્યાથી લતાવાસીઓ ત્રાહીમામ પોકારી ઉઠયા છે.

આ અંગે શિવમ્ પાર્કના ૧૦થી વધુ લતાવાસીઓએ મ્યુ. કોર્પોરેશનના તંત્ર વાહકોને આવેદનપત્ર પાઠવી જણાવ્યુ છે કે ૧૫૦ ફૂટ રીંગ રોડ, રૈયા ચોકડી, પેટ્રોલ પંપ પાસેથી હોસ્પીટલમાં પાર્કિંગની સુવિધા નથી, પરિણામે અહીં આવતા દર્દીઓ તથા તેના સગા વગેરે તેઓના વાહનો યોગીનગર-શિવમ પાર્કના રસ્તાઓમાં આડેધડ પાર્ક કરીને જતા રહે છે, પરિણામે લતાવાસીઓને ઘરની બહાર નિકળવા સહિતની મુશ્કેલી પડે છે ત્યારે આ સમસ્યામાંથી તંત્ર છુટકારો અપાવે તેવી માંગ લતાવાસીઓએ ઉઠાવી છે.

(4:21 pm IST)
  • cctv વિડીયો ફૂટેજ : સલામ છે આ ટ્રક દ્રાઈવરની ગૌ ભક્તિને : જૂનાગઢ - મેંદરડા હાઇવે પર ખોડીયારના પાટિયા પાસે એક ગાય રોડ પર જતી હતી અને સામેથી પુરપાટ આવતા એક ટ્રકે એવું કંઈક કર્યું જે ત્યાં લાગેલા એક cctvમાં કેદ થઈ ગયું : આ cctv ફૂટેજ કોઈ બોલિવુડ ફિલ્મના સીનથી ઓછો ઉતરે તેમ નથી : રસ્તે ચાલતી ગાયને બચાવવા, પોતાના જીવના જોખમે, ટ્રક દ્રાઈવરે એટલી જોશથી બ્રેક મારી હતી કે ટ્રક આખો 360 ડિગ્રીએ ફરી ગયો હતો : (વિડીયો - સ્પીડ રિપોર્ટ) access_time 2:02 pm IST

  • બનાસકાંઠામાં ટ્રેલર અને રીક્ષા વચ્ચે ગમખ્વાર અકસ્માતમાં ચાર લોકોના કરૂણમોત : કુચવાડા પાસે ટ્રેલર રિક્ષા પર ફરી વળતાં રિક્ષામાં સવાર ચાર લોકોનાં ઘટનાસ્થળે જ મોત:રિક્ષામાં સવાર ઠાકોર પરિવારના સભ્યો વિઠોદર આગ માતાના દર્શન કરવા જતા હતા ત્યારે રસ્તામાં કાળ ભેટ્યો access_time 1:19 am IST

  • લોકસભાની ચૂંટણી માટે ભાજપે તમામ વિમાન અને હેલીકૉપટર બુક કરાવી લીધા :કોંગ્રેસને કરવો પડે છે સંઘર્ષ :કોંગ્રેસના નેતા આનંદ શર્માએ કહ્યું કે ભાજપે ચૂંટણી માટે તમામ વિમાનો અને હેલીકૉપટરનું બુકીંગ કરાવી લેતા કોંગ્રેસ વિમાન અને હેલીકૉપટર મેળવવા માટે સંઘર્ષ કરી રહી છે access_time 1:18 am IST