Gujarati News

Gujarati News

News of Tuesday, 22nd January 2019

ઢેબર કોલોનીમાં ભંગારના ડેલામાં યુપીના મજૂરનો ફાંસો ખાઇ આપઘાત

ચારેક મહિના પહેલા જ આવ્યો'તોઃ બે માસ પછી લગ્ન હતાં: સવારે બીજો મજૂર ડેલે આવ્યો ત્યારે ધર્મરાજ લટકતો મળ્યો

રાજકોટ તા. ૨૨: ઢેબર કોલોનીમાં આવેલા જયેશભાઇના ભંગારના ડેલામાં મજૂરી કરતાં મુળ ઉત્તર પ્રદેશના ધર્મરાજ રામફેરે શાહુ (તૈલી) (.૧૮) નામના યુવાને લોખંડના એંગલમાં લાંબુ કપડુ બાંધી ગળાફાંસો ખાઇ આપઘાત કરી લેતાં અરેરાટી વ્યાપી ગઇ હતી.

આપઘાત કરનાર ધર્મરાજ ચાર મહિના પહેલા યુપીથી અહિ પેટીયુ રળવા આવ્યો હતો. તેની ચાર બહેનો અને ત્રણ ભાઇ તથા માતા-પિતા યુપીમાં રહે છે. એક બહેન રાજકોટ રહે છે. ચારેક મહિનાથી તે ભંગારના ડેલામાં મજૂરીએ રહ્યો હતો. તે બાબરીયા કોલોનીમાં રામદેવભાઇના મકાનમાં ભાડેથી રહેતો હતો. ડેલો તેને સવારે વહેલા ખોલવાની હોઇ ચાવી તેની પાસે રહેતી હતી. રાત્રીના કોઇપણ સમયે ધર્મરાજ ઘરેથી ડેલે પહોંચી ગયો હતો અને આપઘાત કરી લીધો હતો. સવારે બીજો મજૂર આવ્યો ત્યારે ધર્મરાજ લટકતો જોવા મળ્યો હતો.

આપઘાતનું કારણ બહાર આવ્યું નથી. બે મહિના પછી ધર્મરાજના લગ્ન થવાના હતાં. ભકિતનગર પોલીસ વધુ તપાસ કરે છે. (૧૪.૧૨)

(4:03 pm IST)
  • વીજ મીટરના ભાડા ઉપર લેવાતો ૧૮ ટકા જીએસટી રદ્દઃ હાઇકોર્ટનો ચૂકાદો : જોકે આ વર્ષથી આખા ગુજરાતમાં વીજતંત્રે મીટરનું ભાડુ લેવાનું બંધ કરી દીધુ છે : ટોચના અધિકારીઓએ આપેલો નિર્દેશ access_time 4:15 pm IST

  • બિહારની બેટીએ અમેરિકામાં ગીતા સાથે લીધા સેનેટર તરીકે શપથ: જય હિંદનો સૂત્રોચ્ચાર કર્યા : બિહારના મુંગેરમાં જન્મેલી મોના દાસ પ્રથમ પ્રયાસમાં અમેરિકામાં વોશિંગ્ટન રાજ્યના 47માં જિલ્લાની સેનેટર બની : ડેમોક્રેટિક પાર્ટીની સભ્ય મોનાએ અમેરિકા સીનેટમાં હિંદૂ ધર્મગ્રંથ ગીતાની સાથે તેના પદની શપથ ગ્રહણ કર્યા હતા access_time 1:13 am IST

  • વિડીયો : ક્યાં જઈ રહ્યો છે આજનો યુવાવર્ગ ? : રાજકોટના યાજ્ઞિક રોડ સ્થિત ધર્મેન્દ્રસિંહજી કોલેજના કેમ્પસમાં ભરબપોરે વિદ્યાર્થીઓના બે જૂથ વચ્ચે થયું ધીંગાણું : અગમ્ય કારણોસર વિધાયર્થીઓના આ બન્ને જૂથે કરી ધોકા, હોકી સ્ટિક અને પાઇપ વડે ભારે મારામારી : સમગ્ર ઘટના cctvમાં થઇ કેદ : એ ડિવિઝન પોલીસે ઘટનાસ્થળે પહોંચી વધુ તપાસ હાથ ધરી (વિડીયો - સ્પીડ રિપોર્ટ) access_time 5:19 pm IST