Gujarati News

Gujarati News

News of Tuesday, 22nd January 2019

ઘરે-ઘરેથી કચરો ઉઘરાવવા વધુ ૧૦૦ ટીપરવાન ખરીદાશે

ટીપરવાન મોડી આવવા અને નહી આવતા હોવાની ફરિયાદો નિવારવા ૪.૯૮ કરોડના ખર્ચે નવા ટીપરવાનો ખરીદવા સ્ટેન્ડીંગ કમીટીમાં દરખાસ્તઃ કાલે મળનાર સ્ટેન્ડીંગ કમીટીમાં ૩પ દરખાસ્તોઃ આચારસંહીતાને કારણે દરખાસ્તો પેન્ડીંગ રહેશે

રાજકોટ તા. રર :.. મ્યુ. કોર્પોરેશન દ્વારા શહેરમાં સ્વચ્છતાનું પ્રમાણ હજૂ વધુ સુદૃઢ બનાવવા ઘરે - ઘરેથી કચરો એકત્રીત કરવાની કામગીરીને નિયમીત બનાવવા માટે વધુ ૧૦૦ જેટલી ટીપરવાન (કચરા ગાડી) ખરીદવા નિર્ણય લેવાયો છે. અંગે આવતીકાલે મળનાર સ્ટેન્ડીંગ કમીટીમાં દરખાસ્ત પણ રજૂ કરાઇ છે.

અંગે આવતીકાલે મળનાર સ્ટેન્ડીંગ કમીટીનાં એજન્ડામાં ૧પ નંબરની દરખાસ્તમાં જણાવાયું છે કે 'સ્વચ્છ ભારત મિશન' અંતર્ગત શહેરમાંથી ડોર ટુ ડોર ગાર્બેજ કલેકશન માટે રૂ. .૯૮ કરોડનાં ખર્ચે ૧૦૦ નંગ મીની ટીપરવાન ખરીદવા અંગે નિર્ણય લેવા બાબત.

નોંધનીય છે કે હાલમાં અનેક ટીપરવાન ખખડધજ થઇ ગયાની ફરીયાદો છે. પરિણામે અનેક વિસ્તારોમાં ટીપરવાનો જતી નથી. અને આવા  વિસ્તારોમાં ગંદકી ફેલાય છે. ત્યારે હવે નવી ૧૦૦ નંગ ટીપરવાન ખરીદીને સ્વચ્છતાનું પ્રમાણ વધુ સુદૃઢ બનાવવા તંત્રએ કમ્મર કસી છે.

ઉપરાંત કાલની સ્ટેન્ડીંગ કમીટીમાં રેસકોર્સમાં આવેલ ક્રિકેટ સ્ટેડીયમમાં નવુ ઘાસ ઉગાડવા માટે પ૦ લાખનો કોન્ટ્રાકટ સોમનાથ  એજન્સીને આપવા અંગે જલારામ  () માં જયોતિબેન દિપકભાઇ ફટાણીયાને ૯૯ ચો. મી. જમીન રૂ. ૪૦ હજાર પ્રતિ ચો. મી.નાં બજાર ભાવની ભરતી ભરણીમાં આપવા બાબતે, પ્રદ્યુમન પાર્ક પ્રાણી સંગ્રહાલયમાં  હેમાદ્રી બબૂના જાણીતાં વાંદરા માટે પીંજરૂ બનાવવા સહિત, પાણી, ગટર, સહિતનાં વિકાસ કામોની કુલ ૩પ દરખાસ્તોનો સમાવેશ છે. જો કે પેટા ચૂંટણીની આચારસંહીતાને કારણે કાલથી સ્ટેન્ડીંગ કમીટીની તમામ  દરખાસ્તો પેન્ડીંગ રખાશે. (-ર૬)

(4:02 pm IST)
  • જમ્મુકાશ્મીરના સોપીયા ખાતે સુરક્ષા દળોએ છ આતંકીઓને ઘેરી લીધા છે આ લખાય છે ત્યારે ઓપરેશન ચાલુ access_time 11:19 am IST

  • પ્રયાગરાજના કુંભમેળામાં 'પોષ પૂર્ણિમા'ના પાવન પ્રસંગે 1 કરોડથી વધુ ભાવિકોએ લગાવી શ્રદ્ધાની ડૂબકી:કુંભ મેળાના આયોજક અધિકારી કિરણ આનંદે કહ્યું કે કુંભ મેળાના બીજા સ્નાન પર્વ પોષ પૂર્ણિમાના પ્રસંગે 1 કરોડ 7 લાખ લોકોએ સ્નાન કર્યું હતું access_time 1:13 am IST

  • cctv વિડીયો ફૂટેજ : સલામ છે આ ટ્રક દ્રાઈવરની ગૌ ભક્તિને : જૂનાગઢ - મેંદરડા હાઇવે પર ખોડીયારના પાટિયા પાસે એક ગાય રોડ પર જતી હતી અને સામેથી પુરપાટ આવતા એક ટ્રકે એવું કંઈક કર્યું જે ત્યાં લાગેલા એક cctvમાં કેદ થઈ ગયું : આ cctv ફૂટેજ કોઈ બોલિવુડ ફિલ્મના સીનથી ઓછો ઉતરે તેમ નથી : રસ્તે ચાલતી ગાયને બચાવવા, પોતાના જીવના જોખમે, ટ્રક દ્રાઈવરે એટલી જોશથી બ્રેક મારી હતી કે ટ્રક આખો 360 ડિગ્રીએ ફરી ગયો હતો : (વિડીયો - સ્પીડ રિપોર્ટ) access_time 2:02 pm IST