Gujarati News

Gujarati News

News of Tuesday, 22nd January 2019

ડી.એચ. કોલેજમાં બે જૂથ વચ્ચે માથાકુટઃ બે ઘવાયા

રાજકોટ તા. ૨૨: શહેરના યાજ્ઞિક રોડ પર આવેલી ધર્મેન્દ્રસિંહજી (ડી.એચ.) કોલેજ ખાતે બપોરે છાત્રોના બે જૂથ વચ્ચે ધમાલ થયાના મેસેજ સોશિયલ મિડીયામાં વહેતા થતાં પોલીસ દોડી ગઇ હતી. જો કે પોલીસ પહોંચી ત્યારે કોઇ હાજર મળ્યું નહોતું.

જાણકારોમાં થતી ચર્ચા મુજબ કોલેજના જ બે છાત્રો વચ્ચે કોઇ બાબતે ચડભડ થયા બાદ એક છાત્રએ બહારના લોકોને જાણ કરતાં હથીયારો સાથે કેટલાક શખ્સો ધસી આવ્યા હતાં અને ધબધબાટી થઇ હતી. પથ્થરોના ઘા પણ થયાનું અને એકાદ-બેને ઇજા થયાનું પણ કહેવાય છે. દરમિયાન જાગનાથ પ્લોટમાં રહેતાં નિલેષ રણછોડભાઇ સાંગડીયા (ભરવાડ) (ઉ.૨૧) તથા રોહિત વલુભાઇ સાંગડીયા (ઉ.૧૮) બપોરે ઇજાગ્રસ્ત હાલતમાં સિવિલમાં દાખલ થયા છે. તેણે પોતે બપોરે અઢી વાગ્યે ડી.એચ. કોલેજમાં હતાં ત્યારે માર મારવામાં આવ્યાનું જણાવતાં એ-ડિવીઝનમાં એન્ટ્રી નોંધાવાઇ છે.

નિલેષ અને રોહિતના કાકાના દિકરા મેહુલના ભાઇબંધ કે જે કોલેજમાં ભણે છે તેને માથાકુટ થતા બંને ત્યાં ગયા હતાં અને હુમલો થયો હોવાનું કહેવાય છે.

(4:01 pm IST)
  • વિડીયો : ક્યાં જઈ રહ્યો છે આજનો યુવાવર્ગ ? : રાજકોટના યાજ્ઞિક રોડ સ્થિત ધર્મેન્દ્રસિંહજી કોલેજના કેમ્પસમાં ભરબપોરે વિદ્યાર્થીઓના બે જૂથ વચ્ચે થયું ધીંગાણું : અગમ્ય કારણોસર વિધાયર્થીઓના આ બન્ને જૂથે કરી ધોકા, હોકી સ્ટિક અને પાઇપ વડે ભારે મારામારી : સમગ્ર ઘટના cctvમાં થઇ કેદ : એ ડિવિઝન પોલીસે ઘટનાસ્થળે પહોંચી વધુ તપાસ હાથ ધરી (વિડીયો - સ્પીડ રિપોર્ટ) access_time 5:19 pm IST

  • ભાજપ અધ્યક્ષ અમિતભાઇ શાહના હેલીકૉપટરનાં ઉતરાણ મામલે ભાજપ જૂઠ ફેલાવી રહી છે :હેલીકૉપટરને માલદામાં ઉતરાણ કરવાની મંજૂરી નહિ મળવા બાબતે બીજેપીના દાવાને તૃણમૂલ કોંગ્રેસે ફગાવ્યો :ટીએમસીએ કહ્યું કે ભાજપ જુઠાણું ફેલાવી રહી છે access_time 12:36 am IST

  • જેતપુરમાં એક્ટિવા સવાર કોલેજની વિદ્યાર્થિનીનું ટ્રક અડેફેટે કરૂણમોત : જુનાગઢ રોડ પર એક્ટિવા લઇને જતી વિદ્યાર્થીનીને ટ્રકે અડફેટે લેતાઘટના સ્થળે જ મોત : બંશી નામની વિદ્યાર્થીનીના જન્મ દિવસે જ મોત થતા જન્મદિવસની ઉજવણી માતમમાં બદલાઈ access_time 1:01 am IST