Gujarati News

Gujarati News

News of Tuesday, 22nd January 2019

દીકરી જન્મને વ્હાલથી વધાવવા શાળાઓના ઓરડામાં એનું નામ લખાશે

દીકરી મારી લાડકવાયી લક્ષ્મીનો અવતાર, એ સુવે તો રાત પડે જાગે તો સવાર...: મહિલા શિક્ષકો પરિવારને શુભેચ્છા આપશેઃ ડી.ડી.ઓ.નો નૂતન અભિગમ

રાજકોટ તા. રર :.. જિલ્લા વિકાસ અધિકારી અનિલકુમાર રાણાવાસિયાએ બેટી બચાવો અભિયાનને વેગ આપવા પ્રાથમિક શાળાઓને સાંકળી નૂતન અભિગમ અપનાવ્યો છે. તે મુજબ પંચાયત શાળા પરિવાર દીકરી જન્મતા વ્હાલથી વધામણા કરશે.

જિલ્લા પંચાયતના પ્રાથમિક શિક્ષણાધિકારીએ જિલ્લાની તમામ ૯૦૦ જેટલી પ્રાથમિક શાળાઓ જોગ પરિપત્ર બહાર પાડી જણાવ્યું છે કે સમાજમાં દિકરી જન્મ માટે લોકજાગૃતી આવે તેના ભાગરૂપે તમામ ગામોમાં જે પરીવારમાં દિકરીઓ જન્મ થાય ત્યારે જે તે ગામની સરકારી પ્રાથમિક શાળાનાં મહિલા શિક્ષકોએ દિકરી જન્મને વધાવવા તેમજ પરીવારને શુભકામના પાઠવવા માટે શાળા સમય બાદ અથવા રીશેષના સમયે જન્મ લેનારદિકરીનાં ઘરે જવું. તેમજ શકય હોય ત્યાં સુધી તમામ શાળાઓમાં ઓરડાઓનાં નામ નવી જન્મેલી દિકરીનાં નામ પર રાખવા. શાળા કક્ષાએ બાળકોનાં હિમોગ્લોબીનની ચકાસણીનાં કાર્યક્રમો આરોગ્ય વિભાગનાં સંકલનમાં રહી કરવા.

(3:59 pm IST)
  • ભાજપ અધ્યક્ષ અમિતભાઇ શાહના હેલીકૉપટરનાં ઉતરાણ મામલે ભાજપ જૂઠ ફેલાવી રહી છે :હેલીકૉપટરને માલદામાં ઉતરાણ કરવાની મંજૂરી નહિ મળવા બાબતે બીજેપીના દાવાને તૃણમૂલ કોંગ્રેસે ફગાવ્યો :ટીએમસીએ કહ્યું કે ભાજપ જુઠાણું ફેલાવી રહી છે access_time 12:36 am IST

  • cctv વિડીયો ફૂટેજ : સલામ છે આ ટ્રક દ્રાઈવરની ગૌ ભક્તિને : જૂનાગઢ - મેંદરડા હાઇવે પર ખોડીયારના પાટિયા પાસે એક ગાય રોડ પર જતી હતી અને સામેથી પુરપાટ આવતા એક ટ્રકે એવું કંઈક કર્યું જે ત્યાં લાગેલા એક cctvમાં કેદ થઈ ગયું : આ cctv ફૂટેજ કોઈ બોલિવુડ ફિલ્મના સીનથી ઓછો ઉતરે તેમ નથી : રસ્તે ચાલતી ગાયને બચાવવા, પોતાના જીવના જોખમે, ટ્રક દ્રાઈવરે એટલી જોશથી બ્રેક મારી હતી કે ટ્રક આખો 360 ડિગ્રીએ ફરી ગયો હતો : (વિડીયો - સ્પીડ રિપોર્ટ) access_time 2:02 pm IST

  • ભુવનેશ્વરમાં ભાજપની મહિલા કાર્યકર્તા અને પોલીસ વચ્ચે ઘર્ષણ :ઓડિશાની રાજધાની ભુવનેશ્વરમાં ભાજપની મહિલા મોરચાની કાર્યકર્તા અને પોલીસ વચ્ચે મારામારી :એક વાયરલ વીડિયોમાં બંને પક્ષો વચ્ચે છૂટ્ટા હાથની મારામારી :પિપિલી ગેંગરેપ અને હત્યા કેસ મામલે વિરોધ પ્રદર્શન વેળાએ ઘર્ષણ access_time 12:53 am IST