Gujarati News

Gujarati News

News of Tuesday, 22nd January 2019

મેટોડામાં જયોતી સીએનસી ઉપર ત્રાટકતુ ઇન્કમટેકસ

ટોચના ઉદ્યોગગૃહ ઉપર રાજકોટ રેન્જના કમિશ્નર ઉષા શ્રોતેના માર્ગદર્શન તળે ર૬ અધિકારીઓ તપાસમાં જોડાયાઃ ધમધમાટ

રાજકોટ તા.૨૨ : સીએનસી મશીન ક્ષેત્રે દેશ અને વિદેશમાં ટોચના ઉદ્યોગગૃહ તરીકે જાણીતા બનેલા જયોતી સીએનસી ઉપર આવકવેરા વિભાગ મેગા સર્વે હાથ ધરતા ખળભળાટ મચી જવા પામ્યો છે.

રાજકોટ અને સુરતના ઉદ્યોગપતિઓના વડપણવાળા જયોતી સીએનસીનું મુખ્ય યુનિટ કાલાવડ રોડ ઉપર આવેલ મેટોડા સ્થીત આવેલ છે. આજે બપોરે ના ટકોરે આવકવેરા વિભાગનો કાફલો ત્રાટકયો હતો અને તપાસ હાથ ધરી છે.

રાજકોટ રેન્જ-૧ના કમિશનર શ્રી ઉષા શ્રોતેના માર્ગદર્શન તળે આસીસ્ટન્ટ કમિશ્ન્રર સેકશન ઓફિસર તેમજ ટેકસ ઓફિસર સહિત ર૬ અધિકારીઓ દ્વારા તપાસ હાથ ધરવામાં આવી છે. જયોતી સીએનસી દ્વારા કરવામાં આવેેલા નાણાકીય વહેવારો તેમજ સ્ટોક અને અન્ય રોકાણ અંગે તપાસ હાથ ધરવામાં આવી હોવાનું જાણવા મળે છે.

અત્રે ઉલ્લેખનીય છે કે નવા વર્ષના પ્રારંભે જયોતી સીએનસી ગ્રુપ દ્વારા સાત દિવસ સંગીતનો ભવ્ય જલ્સો યોજાયો હતો.

(3:58 pm IST)
  • જેતપુરમાં એક્ટિવા સવાર કોલેજની વિદ્યાર્થિનીનું ટ્રક અડેફેટે કરૂણમોત : જુનાગઢ રોડ પર એક્ટિવા લઇને જતી વિદ્યાર્થીનીને ટ્રકે અડફેટે લેતાઘટના સ્થળે જ મોત : બંશી નામની વિદ્યાર્થીનીના જન્મ દિવસે જ મોત થતા જન્મદિવસની ઉજવણી માતમમાં બદલાઈ access_time 1:01 am IST

  • વિડીયો : ક્યાં જઈ રહ્યો છે આજનો યુવાવર્ગ ? : રાજકોટના યાજ્ઞિક રોડ સ્થિત ધર્મેન્દ્રસિંહજી કોલેજના કેમ્પસમાં ભરબપોરે વિદ્યાર્થીઓના બે જૂથ વચ્ચે થયું ધીંગાણું : અગમ્ય કારણોસર વિધાયર્થીઓના આ બન્ને જૂથે કરી ધોકા, હોકી સ્ટિક અને પાઇપ વડે ભારે મારામારી : સમગ્ર ઘટના cctvમાં થઇ કેદ : એ ડિવિઝન પોલીસે ઘટનાસ્થળે પહોંચી વધુ તપાસ હાથ ધરી (વિડીયો - સ્પીડ રિપોર્ટ) access_time 5:19 pm IST

  • બિહારની બેટીએ અમેરિકામાં ગીતા સાથે લીધા સેનેટર તરીકે શપથ: જય હિંદનો સૂત્રોચ્ચાર કર્યા : બિહારના મુંગેરમાં જન્મેલી મોના દાસ પ્રથમ પ્રયાસમાં અમેરિકામાં વોશિંગ્ટન રાજ્યના 47માં જિલ્લાની સેનેટર બની : ડેમોક્રેટિક પાર્ટીની સભ્ય મોનાએ અમેરિકા સીનેટમાં હિંદૂ ધર્મગ્રંથ ગીતાની સાથે તેના પદની શપથ ગ્રહણ કર્યા હતા access_time 1:13 am IST