Gujarati News

રાજકોટ, તા. રર : રાજકોટ જીલ્લા કલેકટર ડો. વિક્રાંત પાંડેએ આજે સવારે 'અકિા' સાથેની વાતચીતમાં ઉમેર્યું હતું કે ત્રણ મહીનાની અંદર તાલુકા મામલતદારો-ડે. કલેકટરો લેવલે પડેલા તમામ પ્રકારના કેસોનો નિકાલ કરવા અને ઝીરો લેવલ સુમાર કરવા સૂચના અપાઇ છે.

સૂચિત અંગે કલેકટરે ઉમેર્યું હતું કે દરેક મામલતદાર-નાયબ મામલતદારોને ૧પ દિ'માં તેમની પાસે કેટલા કેસો આવ્યા એમાં શું થયું તેનો રીપોર્ટ આપવા જણાવાયું છે અને ત્યાર બાદ નવા મહેસૂલમંત્રી શ્રી કૌશિકભાઇ પટેલની ઉપસ્થિતિમાં તેમના હસ્તે સનદ વિતરણ કાર્યક્રમ અંગે નિર્ણય લેવાશે.

યુએલસી યોજના અંગે કલેકટરે ઉમેર્યું હતું કે લગભગ કેસોનો નિકાલ કરી લેવાયો છે. કુલ ૧૯૦૦ કેસો પતી ગયા છે, જયારે વિવાદ વાળા, કોર્ટમાં કેસ હોય તેવા ૧ર૧ કેસો અંગે સરકારમાં દરખાસ્ત કરી આવા કેસોમાં શું કરવું તે અંગે માર્ગદર્શન મંગાવાયું છે. (૮.પ)