Gujarati News

Gujarati News

News of Monday, 21st December 2020

રાજકોટમાં ૧.રપ લાખ સહિત સૌરાષ્ટ્ર યાર્ડોમાં ૩ લાખ ગુણી મગફળીની આવકોઃ ભાવ વધ્યા

રાજકોટ યાર્ડમાં મગફળીની આવકો બંધ કરાઇઃ મગફળીના ભાવમાં મણે ર૦ રૂ. વધ્યા

રાજકોટ તા. ર૧ :.. રાજકોટ માર્કેટ યાર્ડમાં આજ મગફળીની ૧.રપ લાખ ગુણી સહિત સૌરાષ્ટ્રના માર્કેટ યાર્ડોમાં મગફળીની કુલ ૩ લાખ ગુણીની ધીંગી આવકો થઇ હતી. મગફળીની આવકો વધવાની સાથે ભાવમાં પણ સુધારો થતા ખેડૂતોમાં ખુશાલી વ્યાપી ગઇ છે.

રાજકોટ (બેડી) યાર્ડમાં આજે  ૧પ દિવસ બાદ મગફળીની આવકો શરૂ કરાતા મગફળીની ૧.રપ લાખ ગુણીની આવકો થઇ હતી. રાજકોટ યાર્ડમાં દિવાળી પૂર્વે અને દિવાળી બાદ  ચોથી વખત મગફળીની એક લાખ ગુણી ઉપરાંતની આવકો નોંધાઇ છે. મગફળીની ધીંગી આવકો થતા  રાજકોટ યાર્ડમાં બીજી જાહેરાત ન કરાઇ ત્યાં સુધી મગફળીની આવકો બંધ કરાઇ હોવાનું યાર્ડન સેક્રેટરી બી. આર. તેજાણીએ જણાવ્યું હતું. રાજકોટ યાર્ડની સાથે સૌરાષ્ટ્રના યાર્ડોમાં પણ મગફળીની પુષ્કળ આવકો થઇ હતી. ગોંડલ, અમરેલી, સાવરકુંડલા, જામનગ, તથા જુનાગઢ યાર્ડ સહિત સૌરાષ્ટ્ર ના યાર્ડોમાં આજે મગફળીની કુલ ૩ લાખ ગુણીની ધીંગી આવકો થઇ હતી. સૌરાષ્ટ્રના યાર્ડોમાં મગફળીની આવકો વધવાની સાથે મગફળીના ભાવમાં મણે ર૦ રૂ.નો સુધારો થયો હતો. મીલ ડીલીવરીમાં મગફળી ઝીણી એક મણના ભાવ વધીને ૧૧૩૦ થી ૧૧૪૦ તથા મગફળી મોટી એક મણના ભાવ વધીને ૧૦૭૦ થી ૧૦૮૦ રૂ. બોલાયા હતાં. દર વર્ષે સૌરાષ્ટ્રના યાર્ડોમાં મગફળીની પુષ્કળ આવકો થયે મગફળીના ભાવો ઘટતા હતા જો કે, ચાલુ વર્ષે ચીન દ્વારા મગફળીની મોટાપાયે ખરીદી કરાતા મગફળીની પુષ્કળ આવકો છતાં ભાવો ઘટવાને બદલે વધતા ખેડૂતો રાજી...રાજી... થઇ ગયા છે.

(12:52 pm IST)
  • સુવરના માંસમાંથી બનેલી કોરોના વેક્સીન લેવી કે નહીં ? : ઇસ્લામ ધર્મગુરુઓ અવઢવમાં : ઇસ્લામમાં સુવરનું માંસ ત્યાજ્ય ગણાય છે : એક મત મુજબ જરૂરી સંજોગોમાં ઇન્જેક્શન વાટે લેવામાં વાંધો નહીં : હજુ સુધી સ્પષ્ટ નિર્ણય લઇ શકાયો નથી access_time 12:37 pm IST

  • પીઢ કોંગ્રેસી નેતા શ્રી મોતીલાલ વોરાનું દુઃખદ અવસાન : કોંગ્રેસના દિગ્ગજ નેતા ગણાતા શ્રી મોતીલાલ વોરાનું આજરોજ દુઃખદ અવસાન થયેલ છે : તેઓ ૯૩ વર્ષના હતા : કોરોનાને હરાવીને સાજા થયા બાદ તેઓને ફરી પાછા કોમ્પલીકેશન્સ થયા હતા જે તેઓના મૃત્યુ માટે નિમિત બન્યા હતા : સ્વ.મોતીલાલ વોરા મધ્યપ્રદેશના મુખ્યમંત્રી પણ રહી ચૂકયા હતા : ગઈકાલે જ તેઓનો જન્મદિવસ હતો access_time 4:58 pm IST

  • ગુજરાતમાં હાલ શાળા શરૂ કરવા અંગે કોઈ વિચારણા નહિં : માસ પ્રમોશન અંગે પણ સરકારનો કોઈ નિર્ણય નહિં : યોગ્ય સમયે નિર્ણય લેવાશે, હાલ કોઈ ચર્ચા નહિં : શિક્ષણમંત્રી ભુપેન્દ્રસિંહ ચુડાસમા access_time 6:26 pm IST