Gujarati News

Gujarati News

News of Saturday, 21st November 2020

૧ કરોડ ૩૬ લાખના ચાંદીના દાગીનાની છેતરપીંડી બાબતે આગોતરા જામીન અરજી મંજુર કરતી સેશન્સ કોર્ટ

રાજકોટઃ આ કેસની વિગત એવી છે કે દિપેશભાઈ મુકેશભાઈ જેઠવા વિરૂધ્ધ બી- ડીવીઝન પોલીસ સ્ટેશનમાં બે અલગ- અલગ ચાંદીના દાગીના છેતરપીંડી બાબતે ફ્રેબુઆરી માસમાં બે અલગ- અલગ એફ.આઈ.આર. રૂ.૧,૩૬,૦૦,૦૦૦ ચાંદીના દાગીનાની રકમની છેતરપીંડી બાબતે નોંધાયેલ હતી.

જે બાબતે અરજદાર આજરોજ સુધી  પોતાના બચાવના હેતુસર પોલીસ સમક્ષ હાજર થયેલ ન હતા અને તેઓની આગોતરા જામીન અરજી રાજકોટના નામદાર સેશન્સ કોર્ટમાં દાખલ કરતા નામદારશ્રીએ અરજદારના એડવોકેટની દલીલો સાંભળી તેમજ સરકારી વકીલોની તેમજ ફરીયાદી પક્ષે રોકાયેલા એડવોકેટની દલીલો સાંભળેલ હતી અને અરજદાર તરફે દલીલો સાંભળી તેમની દલીલ માન્ય રાખી બન્ને અરજીઓ આગોતરા જામીન અરજી મંજુર રાખેલ છે.

અરજદાર તરફે વિધવાના ધારાશાસ્ત્રી મકવાણા હિતેશ ધીરજલાલ, એફ.એસ.ખોરજીયા, દિપક ડી.બથવાર, નરેશ છનુરા, જુ.શૈલેન્દ્ર કટારિયા, સંજય એચ. રાઠોડ, સંદિપ વિંઝુડા રોકાયેલ હતા.

(3:32 pm IST)