Gujarati News

Gujarati News

News of Monday, 21st September 2020

આંબેડકરનગરમાં મોરબીથી આવેલા તુષાર ઉર્ફ ચીની પરમારને સાળા વિશાલ સહિત ત્રણે ધોકાવ્‍યો

વિશાલની બહેન સાથે તુષારે લવમેરેજ કર્યા છેઃ તે રાજકોટ આવતાં વિશાલે પોતાની બહેન પાસે વસીયતનામામાં સહી કરાવવા બાબતે ડખ્‍ખો કર્યાની રાવ

રાજકોટ તા. ૨૧: મોરબીના યુવાનને રાજકોટ એંસી ફુટ રોડ પર આંબેડકરનગરમાં હતો ત્‍યારે તેના સાળા સહિત ત્રણ શખ્‍સોએ પ્‍લાસ્‍ટીકના પાઇપથી અને ઢીકા-પાટુનો માર મારતાં સારવાર લેવી પડી હતી.

આ અંગે થોરાળા પોલીસ મથકના હેડકોન્‍સ. જે. એસ. ગોવાણીએ મોરબી વી.સી. ફાટક નજીક ગુજરાત સોસાયટીમાં રહેતાં તુષાર ઉર્ફ ચીની મનુભાઇ પરમાર (ઉ.વ.૨૩)ની ફરિયાદ પરથી આંબેડકરનગર-૧૧માં રહેતાં તેના સાળા વિશાલ પાતર તથા વિશાલ સાથેના નયન દાફડા અને અમીનેશ વાળા સામે ગુનો નોંધ્‍યો છે. પોલીસ તપાસમાં ખુલ્‍યા મુજબ તુષારે ત્રણ મહિના પહેલા વિશાલની બહેન સાથે લવમેરેજ કર્યા છે. લગ્ન પછી તે પત્‍નિને લઇ મોરબી રહેવા જતો રહ્યો છે.

ગઇકાલે તુષારની બહેનની સગાઇ હોઇ તે પત્‍નિ સાથે આંબેડકરનગરમાં પોતાના ઘરે આવ્‍યો હતો. આ વખતે વિશાલ સહિતે આવી પોતાની બહેન પાસે વસીયતનામામાં સહી કરાવવા બાબતે ઝધડો કરી ગાળાગાળી કરતાં તુષારે ગાળો બોલવાની ના પાડતાં તેના પર હુમલો કરાયો હતો.

 

(3:16 pm IST)
  • જેતપુર: જેતપુરથી ગોંડલ તરફ વીજળી ના કડાકા ભડાકા - પવન સાથે વરસાદ તૂટી પડયો છે. આખો દિવસ બફારો રહ્યા બાદ મેઘરાજાનું આગમન થતાં ગરમીમાંથી રાહત મળી છે : શહેરમાં બપોર સુધી ભારે બફારા બાદ ૩:૪૫વાગ્યા થી વીજળી ના કડાકા ભડાકા સાથે વરસાદ તુટી પડયો હતો. વરસાદી પાણી રસ્તા ઉપર ફરી વળ્યા હતા access_time 4:21 pm IST

  • બોલીવુડમાં હજુ કેટલી હત્યાઓ થશે ? : કેટલા યુવાનો ડ્રગ્સની લતનો ભોગ બનશે ? : કેટલી મહિલાઓની લાજ લુંટાશે ? : હાથમાં 3 પોસ્ટર સાથે ભાજપ સાંસદ અને ટી.વી.અભિનેત્રી રૂપા ગાંગુલી ( દ્રૌપદી ) ના મુંબઈ પોલીસ ડિપાર્ટમેન્ટ ઉપર પ્રહારો access_time 12:53 pm IST

  • ફાંસીવાદી સરકાર સામે સંસદથી સડક સુધી લડત આપીશ : કૃષિ બિલનો વિરોધ કરનાર 8 સાંસદો સસ્પેન્ડ થવા સામે મમતા બેનરજીનો આક્રોશ : લોકશાહીના નિયમોનું સરકાર ઉલ્લંઘન કરી રહી હોવાનો આક્ષેપ access_time 1:04 pm IST