Gujarati News

Gujarati News

News of Friday, 21st June 2019

અપહરણ-દુષ્કર્મના ગુનામાં મદદગારી કરનાર આરોપીની જામીન અરજી રદ

રાજકોટ તા ૨૧  : અપહરણ અને દુષ્કર્મનાગુન્હામાં મદદગારી કરનાર આરોપીની જામીન અરજીને સેશન્સ કોર્ટે નકારી કાઢી હતી.

રાજકોટના જુના માર્કેટીંગ યાર્ડ પાછળ મંચ્છાનગર રહેતો નિલેશભાઇ રાણાભાઇ ખમાણી ની બી ડીવીઝન પોલીસે અપહરણ અને દુષ્કર્મના ગુન્હામાં મદદગારી કરવા સબબ ધરપકડ  કરેલ અને આરોપીએ જેલમાંથી જામીન ઉપર છુટવા રેગ્યુલર જામીન અરજી કરેલ.

સરકાર તરફે સરકારી વકીલ મુકેશ પીપળીયા હાજર થઇ રજુઆત કરેલ કે, આરોપી સામે સમાજવિરોધી ગંભીર ગુન્હાનો આક્ષેપ છે. તેમજ ભોગ બનનાર સગીર વયની હોય, કાયદાના સંઘર્ષમાં આવેલ બાળકિશોર અને ભોગ બનનાર જે તેના કબજાનું મોટર સાયકલમાં બેસાડી અપહરણ કરી લઇજઇ કાયદાના સંઘર્ષમાં આવેલ બાળકિશોર ભોગ બનનાર સગીરા સાથે દુષ્કર્મ કરે તેવી સગવડતા કરી આપેલ અને ધમકી આપેલ તેવી રીતે ગુન્હામાં સક્રિય ભાગ ભજવેલ છે. જો તેને જામીન મુકત કરવામાં આવશે તો ફરીયાદી પક્ષના પુરાવા સાથે ચેડા કરશે, ગુન્હાની ગંભીરતા અને આરોપીનો બનાવમાં રોલ  જોતા જામીન અરજી રદ કરવી જોઇએ તેવી રજુઆત સરકાર પક્ષે કરેલ, તે રજુઆતને ધ્યાને લઇ સેશન્સ જજ શ્રી આર.એલ. ઠાકરે આરોપીની  જામીન અરજી રદ કરેલ હતી. આ કામમાં સરકાર તરફે એ.પી.પી. મુકેશ પીપળીયા રોકાયેલ હતા.

(3:27 pm IST)
  • સૌરાષ્ટ્ર-કચ્છના મુસ્લિમ અગ્રણી સુલેમાનભાઈ સંઘારનો ઇન્તેકાલ સૌરાષ્ટ્ર-કચ્છના મુસ્લિમ અગ્રણી સુલેમાનભાઈ સંઘારનો ઇન્તેકાલ "રાત્રે 10 વાગ્યે તેઓની દફનવિધિ સદર કબ્રસ્તાનમાં રાખેલ છે તેમ હબીબ કટારીયાએ જણાવ્યું હતું access_time 8:06 pm IST

  • રાજકોટમાં હોટલ - હોસ્પિટલ - સોસાયટી - સ્કુલના સ્વચ્છતા રેન્કીગ માટે રર ટીમો દ્વારા સર્વે શરૂ :ગઇકાલે હોટેલોનો સર્વે પુર્ણ : આજે હોસ્પિટલનો સર્વે હાથ ધરાયો : આવતીકાલે સ્કૂલોમાં સ્વચ્છતાનો સર્વે થશેઃ સોમવારે સોસાયટીઓમાં સ્વચ્છતા અંગે ચકાસણી થશે : ર૭ અથવા ર૮મીએ રિઝલ્ટ જાહેર થશે : વિજેતાઓને મુખ્યમંત્રીના હસ્તે સર્ટીફીકેટ અપાશે : મ્યુ. કમિશ્નર બંછાનીધી પાનીની જાહેરાત access_time 4:10 pm IST

  • સુરક્ષાદળોને મોટી સફળતા :આસામ રાઈફલ્સ પર હુમલાનો ગુન્હેગાર નાગા આતંકી ઝડપાયો : મેજર જનરલ યાંગહાંગ ઉર્ફે મોપાને નાગાલેન્ડમાં એબોઈ મૌન રોડ પરથી ઝડપી લેવાયો :મેજર જનરલ મોપા નેશનલ સોશ્યલીસ્ટ કાઉન્સિલ ઓફ નાગાલેન્ડ ગ્રુપનો સૌથી જૂનો આતંકવાદી છે આ ગ્રુપ નગાલેન્ડમાં પોતાની ગતિવિધિને અંજામ આપે છે access_time 1:20 am IST