Gujarati News

રાજકોટઃ મ્યુ. કોર્પોરેશનના નવનિયુકત સ્ટેન્ડીંગ કમીટી ચેરમેન ઉદયભાઇ કાનગડે બે દિવસ અગાઉ સદર વિસ્તારમાં ઓચિંતુ ચેકીંગ હાથ ધરી અને સફાઇની વ્યવસ્થા અંગે સર્વેક્ષણ કર્યુ આ દરમિયાન સદર વિસ્તારમાં તાલુકા શાળા સામે આવેલો વોંકળો ગંદકીથી ખદબદતો હોવાનું કાનગડની નજરે ચડતા તેઓએ પર્યાવરણ ઇજનેર નિલેષ પરમારને આ વોંકળામાં ઘનિષ્ઠ સફાઇ કરાવવા સુચનાઓ આપેલ જે અનુસંધાને ગઇકાલથીજ વોંકળાની દિવાલ તોડીને જે.સી.બી. મારફત સદર વોંકળાની ઘનિષ્ઠ સફાઇ શરૂ કરવામાં આવી હતી. જે તસ્વીરમાં દર્શાય છે. આમ સ્ટેન્ડીંગ કમીટી ચેરમેન આ વિસ્તારમાં વોંકળાની ગંદકીની વર્ષો જુની સમસ્યા ઉકેલતા આ વિસ્તારના વેપારીઓ ત્થા લતાવાસીઓમાં રાહતની લાગણી ફેલાઇ હતી.(૬.૨૦)