Gujarati News

Gujarati News

News of Tuesday, 21st May 2019

પ્રજ્ઞાચક્ષુ બહેનોએ મેદાન માર્યુઃ પારેખ અંધ મહિલા વિકાસ ગૃહનું ૧૦૦ ટકા પરીણામ

રાજકોટ,તા.૨૧: માર્ચ- ૨૦૧૯માં માધ્યમિક શિક્ષણ બોર્ડ દ્વારા લેવાયેલ ધો.૧૦ની પરિક્ષામાં શ્રી વી.ડી.પારેખ અંધ મહિલા વિકાસ ગૃહ રાજકોટના કુલ છ પ્રજ્ઞાચક્ષુ બહેનો પ્રથમ પ્રયાસે સફળ જાહેર થતાં સંસ્થાનું ૧૦૦ ટકા પરીણામ આવ્યું છે. શ્રી મહારાણી લક્ષ્મીબાઈ કન્યા વિદ્યાલયના આચાર્યશ્રી અને સર્વે શિક્ષકોનો સહયોગ મળેલ.

સફળ જાહેર થયેલ પ્રજ્ઞાચક્ષુ બહેનોના નામ આ મુજબ છે. ચુડાસમા ક્રિષ્ના ગોરધનભાઈ ૭૦.૪૦ ટકા, મોખરા વૈશાલી મનોજભાઈ ૬૩ ટકા, કાંબરીયા વર્ષા હમીરભાઈ ૬૨.૬૦ ટકા, વાજા કાજલ દિનેશભાઈ ૫૫.૬૦ ટકા, મુછડીયા સરોજ રમેશભાઈ ૫૩.૮૦ ટકા, સોલંકી હેતલ ડાયાભાઈ ૫૩.૪૦ ટકા. આ પ્રજ્ઞાચક્ષુ બહેનોનાં લહિયા તરીકે કડવીબાઈ કન્યા વિદ્યાલયના ધો.-૯માં અભ્યાસ કરતાં બહેનોએ સેવાઓ આપી હતી. તેમ સંસ્થાના માનદમંત્રી ડો.પી.જે.મંકોડીની યાદી જણાવે છે.

(3:25 pm IST)
  • સેન્સેકસ-નીફટીએ સવારનો સુધારો બપોરે ગુમાવ્યો : મુંબઇ : શેરબજારમાં આજે સવારે તેજી હતી પણ બપોરે એકાએક વેચવાલી વધતા બજાર પટકાયું : ર-૧પ કલાકે સેન્સેકસ ર૩૬ પોઇન્ટ ઘટીને ૩૯૧૧૬ અને નીફટી ૮૧ પોઇન્ટ ઘટીને ૧૧૭૪૬ ઉપર ટ્રેડ કરે છે : ડોલર સામે રૂપિયો ૬૯.૭૪ ઉપર છે access_time 3:32 pm IST

  • જોધપુર જિલ્લાના મેલાણા ગામે બોરવેલમાં ચાર વર્ષની બાળકી પડી ગઈ :બાળકીનો અવાજ બોરવેલમાંથી આવી રહ્યો છે : ઘટનાસ્થળે એસડીઆરએફની ટીમ મદદે પહોંચી :મોટી સંખ્યામાં બચાવકર્મીઓ બાળકીને બહાર કાઢવા મહેનત access_time 12:48 am IST

  • જગન રેડ્ડીનો યુપીએને ફટકો : શરદ પવારે કર્યો ફોન પણ રેડ્ડીએ ઉપાડયો જ નહિ રેડ્ડી ર૩મી સુધી રાહ જોવા માંગે છે access_time 3:32 pm IST