Gujarati News

Gujarati News

News of Tuesday, 21st May 2019

ધોળકિયા સ્કૂલે ઇતિહાસ સર્જયોઃ ટોપ ટેનમાં ૬૧ વિદ્યાર્થી ઝળકયાઃ બોર્ડ ફર્સ્ટ ૧૦: A-1માં ર૦૭એ મેદાન માર્યુ

કે.જી.ધોળકીયા સ્કુલ ખાતે રાસ-ગરબાની રમઝટઃ વાલીઓ હર્ષ વિભોરઃ ધોળકીયા બંધુઓ દ્વારા અભિનંદન...

રાજકોટ તા. ર૧ :.. આજે ધો. ૧૦ નું પરીણામ જાહેર થયું છે, અને તેમાં રાજકોટની ધોળકીયા સ્કુલે ઇતિહાસ સર્જી દિધો છે.

દર વર્ષની જેમ આ વર્ષે પણ પરિણામમાં વિજય પતાકા લહેરાવી દિધી છે.

ધોળકિયા સ્કુલની એક યાદી મુજબ આજના પરિણામમાં ટોપ ટેનમાં ૬૧ વિદ્યાર્થી ભાઇ-બહેનો ઝળકી ઉઠયા છે, તો બોર્ડ ફર્સ્ટમાં ૧૦ વિદ્યાર્થી સુપર હિરો સાબીત થયા છે.

એટલુ જ નહી એ-૧ માં ર૦૭ વિદ્યાર્થીઓએ મેદાન માર્યુ છે. જબરી જવલંત સફળતા બદલ વિદ્યાર્થીઓ કે. જી. ધોળકીયા સ્કુલ-બાલાજી હોલ પાસે ઉમટી પડયા હતાં, સ્કુલના મેદાનમાં રાસ-ગરબા ફટાકડાની ધૂમ મચાવી હતી.

પોતાના બાળકોના રીઝલ્ટ જાણી-સફળતા માણી વાલીઓ ભાવ વિભોર બની ગયા હતા, હર્ષના અશ્રુ વહેવા લાગ્યા હતાં, સ્કુલના સંચાલકો ક્રિષ્ણકાંત ધોળકીયા, જીતુભાઇ ધોળકીયા, ઝૂમી ઉઠયા હતાં, મેનેજમેન્ટના મુખ્ય સંચાલક શ્રી જીતેન્દ્ર ગોકાણી તથા અન્યોએ તમામ વિદ્યાર્થીઓ - વાલીઓનો સફળતા બદલ આભાર વ્યકત કર્યો હતો.

(11:47 am IST)
  • માત્ર વંદેમાતરમ અથવા જયહિઁદ કરવું દેશભક્તિ નથી :ઉપ રાષ્ટ્રપતિ વેંકૈયા નાયડુએ ચેતવ્યા : બંધારણને નબળું નહિ પાડો :એક દીક્ષાંત સમારોહમાં સંબોધિત કરતા ઉપરાષ્ટ્રપતિએ એ વાત પર ભાર મુક્યો કે માત્ર વંદેમાતરમ અને જયહિન્દ બોલાવથી દેશભક્તિ સાબિત થતી નથી access_time 1:10 am IST

  • કર્ણાટકના મુખ્યમંત્રી કુમારસ્વામીને મળવા પહોંચ્યા કોંગ્રેસના મહાસચિવ વેણુગોપાલ : જેડીએસના સંરક્ષક એચડી દેવગૌડા અને કુમારસ્વામી ઈવીએમ મુદ્દે વિપક્ષી નેતાઓની બેઠકમાં ઉપસ્થિત નહિ રહેતા તાબડતોડ વેણુગોપાલે કુમારસ્વામીસ સાથે મુલાકાત કરી :કર્ણાટક સરકાર સબંધી પણ વાતચીત કરી access_time 1:10 am IST

  • ક્રુડ ઓઈલનો ખજાનો શોધવા નીકળેલ પાકિસ્તાનને ફટકો :700 કરોડ ખર્ચા બાદ મળ્યો ‘ઠેંગો’: પાકિસ્તાનને હેવ અરબ સાગરમાંથી ક્રુડ ઓઇલ ના મળવાથી વધુ એક ફટકો પડ્યો: કરાચી કોસ્ટ પાસે અરબ સાગરમાં ગેસ ભંડાર મળવાની ધારણાએ મોટા પાયે ખોદકામ કર્યું :કુવા ખોદ્યા તેમાંથી કોઇ ખનિજ ઈધણ હાંસલ થયું નથી. access_time 12:42 am IST