Gujarati News

Gujarati News

News of Monday, 21st May 2018

સૌરાષ્ટ્ર યુનિવર્સીટીના કાર્યકારી કુલપતિપદે નીલાંબરીબેન દવેની નિમણુંક

કાર્યકારી કુલપતિ ડો,કમલ ડોડીયાનો ડીનપદનો કાર્યકાળ પૂરો થયા પૂર્વે કાયમી કુલપતિને બદલે કાર્યકારી કુલપતિ નિમાયા

રાજકોટ :સૌરાષ્ટ્ર યુનિવર્સીટીના કાર્યકારી કુલપતિપદે નીલાંબરીબેન દવેની નિમણુંક કરવામાં આવી છે આવતી કાલે કાર્યકારી કુલપતિ ડો, કમલ ડોડીયાનો ડીનપદનો કાર્યકાળ પૂરો થવાનો છે ત્યારે રાજ્ય સરકારે કોઈ કાયમી કુલપતિની નિયુક્તિને બદલે કાર્યકારી કુલપતિપદે નીલાંબરીબેન દવેની નિમણુંક કરી છે

(11:14 pm IST)
  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST

  • પાકિસ્તાનના પંજાબ પ્રાંતની સરકારે રાવલપિંડીમાં સ્થિત કૃષ્ણ મંદિરના નવીનીકરણ અને તે વિસ્તરણ કરવા માટે બે કરોડ રૂપિયાની રકમ ફાળવી છે. આ જાણકારી 20 મેએ મીડિયાની એક રિપોર્ટમાં આપવામાં આવી હતી. રાવલપિંડી અને ઈસ્લામાબાદ શહેરોમાં માત્ર કૃષ્ણ મંદિર જ એકમાત્ર હિન્દુ મંદિર છે જે શ્રદ્ધાળુઓ માટે ખુલ્લું છે. મંદિરમાં રોજ સવાર-સાંજ આરતી કરવામાં આવે છે. access_time 6:19 am IST

  • એફ્રોએશિયા બેંક ગ્લોબલ વેલ્થ માઇગ્રેશન રિવ્યુ' ના હેવાલ મુજબ 8,230 અબજ ડોલરની સંપત્તિ સાથે ભારત વિશ્વનો છઠ્ઠો સૌથી ધનિક દેશ છે. આ યાદીમાં અમેરિકા 62,584 અબજ ડોલરની સંપત્તિ સાથે ટોચ પર છે. ત્યાર બાદ 24,803 અબજ ડોલરની સંપત્તિ સાથે ચીન બીજા ક્રમે અને 19,522 અબજ ડોલરની સંપત્તિ સાથે જાપાન ત્રીજા ક્રમે છે. access_time 5:52 am IST