Gujarati News

Gujarati News

News of Monday, 21st May 2018

શાપર-વેરાવળની ઘટનામાં તાકીદે સહાય મંજુરઃ ૪ લાખનો ચેક અપાયોઃ બાકીના ૪ લાખ હપ્તે અપાશે

કલેકટરે અધિકારીઓ દોડાવ્યાઃ મરનારના વિધવાને દર મહિને ૫ હજાર પેન્શન..

રાજકોટ તા.૨૧: શાપર-વેરાવળમાં વાણીયા મુકેશભાઇ સવજીભાઇ ઉપર અત્યાચાર થતા તેમનું કરૂણ મોત નીપજયું હતું. આ ઘટનાના ઘેરા પડઘા પડતા સરકારે તાબડતોડ પગલા લીધા છે, સરકારની સૂચના બાદ કલેકટરે મારતીગાડીએ પોતાના અધિકારીઓને દોડાવ્યા હતા, સીટી પ્રાંત-૨ શ્રી પ્રજ્ઞેશ જાની, અને નાયબ નિયામક જાતિ કલ્યાણ સહિતના અધિકારીઓ શાપર-વેરાવળ દોડી ગયા હતા.

આ ઘટનામાં અત્યાચારનો ભોગ બનનાર કુટુંબને તાકિદની સહાય અપાઇ છે.મંજુર સહાયઃ આ સહાયમાં કુલ રૂ. ૮,૨૫,૦૦૦/- તે પૈકી ૫૦ ટકા લેખે રૂ. ૪,૧૨,૦૦૦/- ચેક દ્વારા ચુકવણું કરાયું હતું. બાકીની રકમ રૂ. ૪,૧૨,૦૦૦/- ચાર્જશીટ થયે ચુકવવામાં આવશે. આ ઉપરાંત કુટુંબની ૪ વ્યકિતને અનાજ કઠોળના વ્યકિત દીઠ ૫૦૦/- લેખે ૩ માસના કુલ ૬૦૦૦/- મંજુર કરી ચેકથી ચુકવણું કરવામાં આવશે. અને મરણ જનારના પત્નીને માસીક ૫૦૦૦/- પેન્શન + મોંઘવારી ભથ્થાના દર સાથે ચુકવવામાં આવશે તેમ એક યાદીમાં ઉમેરાયું છે.

(4:20 pm IST)
  • પાકિસ્તાનના પંજાબ પ્રાંતની સરકારે રાવલપિંડીમાં સ્થિત કૃષ્ણ મંદિરના નવીનીકરણ અને તે વિસ્તરણ કરવા માટે બે કરોડ રૂપિયાની રકમ ફાળવી છે. આ જાણકારી 20 મેએ મીડિયાની એક રિપોર્ટમાં આપવામાં આવી હતી. રાવલપિંડી અને ઈસ્લામાબાદ શહેરોમાં માત્ર કૃષ્ણ મંદિર જ એકમાત્ર હિન્દુ મંદિર છે જે શ્રદ્ધાળુઓ માટે ખુલ્લું છે. મંદિરમાં રોજ સવાર-સાંજ આરતી કરવામાં આવે છે. access_time 6:19 am IST

  • બુખારીએ દિલ્હી હાઇકોર્ટને કહ્યું મુગલ બાદશાહ શાહજહાંએ આપી હતી ઈમામની પદવી :જમા મસ્જિદના શાહી ઇમામ મૌલાના સૈયદ અહમદ બુખારીએ મસ્જિદમાં પોતાના પુત્રને ઉત્તરાધિકારી બનાવવાના નિર્ણયનો બચાવ કરતા કહ્યું કે આ પદવી પહેલા ઇમામને મુગલ બાદશાહ શાહજહાંએ આપી હતી અને વર્ષોથી તેમના પરિવારને જ ઇમામ બનાવાય છે જે હજુ સુધી કાનૂની વિવાદમાં નથી access_time 1:39 am IST

  • લોકસભામાં ભાજપે પૂર્ણ બહુમતી ગુમાવી : સાથી પક્ષોના ભરોસે સરકારઃ ભાજપની ર૮ર બેઠકો હતી, ર૭૩ રહીઃ કર્ણાટકનું પ્રકરણ ભારે પડયુઃ યેદિયુરપ્પા અને રામુલુએ સંસદ સભ્યપદેથી રાજીનામા આપ્યા હતાઃ જો કે સરકાર પર કોઇ ખતરો નથી access_time 3:08 pm IST