Gujarati News

Gujarati News

News of Monday, 21st May 2018

પરાબજાર માંથી ર હજાર કિલો કેરી ઝડપાઇ ૩ હજાર કેલ્શીયમ કાર્બાઇડ પડીકી પણ જપ્ત

રાજકોટ તા. ૨૧: મ્યુ. કોર્પોરેશનની આરોગ્ય શાખા દ્વારા કેલ્શિયમ કાર્બાઇડથી પકાવવામાં આવતી હાનિકારક કેરી ઝડપી લેવા દરોડાનો દોર શરૂ થયો છે જે અંતર્ગત આજે બે ટન એટલે કે ૨ હજાર કિલો અખાદ્ય કેરીનો જથ્થો તથા ૩૦૦૦ પડીકી   કાર્બાઇડનો જથ્થો ઝડપી લેતા કેરીના વેપારીઓમાં ફફડાટ ફેલાયો છે.

આ અંગે નાયબ આરોગ્ય અધિકારી ડો. રાઠોડે જાહેર કરેલ સત્તાવાર વિગતો મુજબ આજે સવારે ફુડ ઇન્સ્પેકટરોની ટુકડીએ શહેરના પરાબજારમાં સ્વામિનારાયણ કોમ્લેકસનાં સેલરમાં  મુનાભાઇ કાલ્વલેશ્વર બીંદ દ્વારા રાખવામાં આવેલ કેરીના જથ્થાનું ચેકીંગ કરવામાં આવતા આ સ્થળે રાખવામાં આવેલ. અંદાજે ૨ હજાર કિલો એટલે કે ૨ ટન કેરીનો જથ્થો કેલ્શિયમ કાર્બાઇડ અને ચાઇનીસ કેમિકલની પડીકીથી પકાવવામાં આવતું હોવાનું રંગે હાથ ઝડપાયું હતું.

આમ, આ સ્થળેથી મળી આવેલ અંદાજે ૨ ટન અખાદ્ય કેરીનો જથ્થો તથા ચાઇનીઝ કેમિકલ અને કાર્બાઇડની ૩ હજાર નંગ પડીકી આ તમામ અખાદ્ય જથ્થાઓને સીઝ કર્યો હતો અને હજારો ટન અખાદ્ય કેરીનો નાશ તથા કાર્બાઇડના જથ્થાનો નાશ કરવાની કાર્યવાહી હાથ ધરી હતી.

ઉપરોકત દરોડાની કાર્યવાહી નાયબ આરોગ્ય અધિકારી ડો. રાઠોડ, ડેઝિગ્નેટેડ ઓફિસર એ.એન.પંચાલ, ફુડ ઇન્સ્પેકટરો એચ.જી.મોલિયા, સી.ડી.વાઘેલા, કે.એમ.રાઠોડ, કે.જે.સરવૈયા, આર.આર. પરમાર વગેરે દ્વારા હાથ ધરાઇ હતી.

(3:11 pm IST)
  • લોકસભામાં ભાજપે પૂર્ણ બહુમતી ગુમાવી : સાથી પક્ષોના ભરોસે સરકારઃ ભાજપની ર૮ર બેઠકો હતી, ર૭૩ રહીઃ કર્ણાટકનું પ્રકરણ ભારે પડયુઃ યેદિયુરપ્પા અને રામુલુએ સંસદ સભ્યપદેથી રાજીનામા આપ્યા હતાઃ જો કે સરકાર પર કોઇ ખતરો નથી access_time 3:08 pm IST

  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST

  • કર્ણાટકમાં ભાજપ કરશે કમબેક ?:કુમારસ્વામીના શપથ પહેલા જ કોંગ્રેસ-જેડીએસ વચ્ચે ડખ્ખો :નાયબ મુખ્યમંત્રી પદ માટે કોંગ્રેસમાં પણ અસંતોષ ભભૂક્યો :બન્ને પક્ષના નેતાઓ વચ્ચેના મતભેદોને કારણે જનાધાર મજબૂત થવાની શકયતા ઓછી:ભાજપને વિશ્વાસ છે કે, કોંગ્રેસ-જેડીએસ ગઠબંધનમાં 'મતભેદો'ને કારણે રાજ્યમાં કમબેક કરી શકે છે: કોંગ્રેસ-જેડીએસ પક્ષના ટોચના નેતાઓ વચ્ચે મતભેદોને કારણે તેમનો જનાધાર મજબૂત નહિ થાય access_time 1:59 pm IST