Gujarati News

Gujarati News

News of Monday, 21st May 2018

કેન્દ્રના માનવાધિકારી પંચના વડા જલા ઝા રાજકોટમાં

સાંજે કલેકટર કચેરીમાં મહત્વની મીટીંગઃ ત્યારબાદ સેન્ટ્રલ જેલની વિઝીટ કરશે

રાજકોટ, તા. ૨૧ : આજે સાંજે ૫ વાગ્યે ભારતના માનવાધિકારી મંચના ચેરમેન શ્રી જલા ઝા રાજકોટ આવી રહ્યા છે. તેઓ રાજકોટ આવ્યા બાદ સીધા કલેકટર કચેરી ખાતે કલેકટર, પોલીસ કમિશ્નર, મ્યુનિસિપલ કમિશ્નર અને એસપી સાથે માનવાધિકારી પંચ અંગેના કેસોની સમીક્ષા કરશે અને ફાઈલો ચેકીંગ કરશે.

મળતી વિગતો મુજબ કલેકટર કચેરીના એક પણ કેસ નથી. પરંતુ કોર્પોરેશન, જેલ અને પોલીસતંત્રના કેસો હોય કલેકટરે સંબંધિત અધિકારીઓને ફાઈલો સાથે હાજર રહેવા સુચના આપી છે.

કલેકટર કચેરીમાં મીટીંગ અને કેસોની સમીક્ષા બાદ શ્રી જલા ઝા જેલની મુલાકાતે જશે. ત્યાં તમામ બાબતોનું નિરીક્ષણ કર્યા પછી બે થી ત્રણ કેદીઓને રેન્ડમલી મળશે અને વિગતો જાણશે. શ્રી જલા ઝા આવી રહ્યા હોય જેલસત્તાવાળાઓમાં પણ દોડધામ થઈ રહી છે. રાજકોટથી તેઓ પોરબંદર, દ્વારકા, વેરાવળ, સોમનાથ જનાર હોવાનું જાણવા મળે છે.(૩૭.૭)

(1:05 pm IST)
  • સુરત : કામરેજમાં ગોલ્ડન પ્લાઝા શાક માર્કેટ પાસે ટ્રિપલ મર્ડરનો આરોપી ગૌતમ ગોયાણી ઉર્ફે ગોલ્ડનની મોડી રાત્રે કરાઈ હત્યા : કામરેજ પોલીસે તપાસ શરૂ કરી : કિશન ખોખર અને તેના સાગરીતો દ્વારા હત્યા કરવામાં આવી હોવાની આશંકા : જમીનના ઝઘડામાં ગૌતમે 3 હત્યા કરી હતી access_time 11:19 am IST

  • આગામી ત્રણ-ચાર દિવસમાં ચોમાસુ દક્ષિણ-પશ્ચિમ વિસ્તારોમાં દસ્તક દેશે :વાવાઝોડું થંભી ગયું -ઓમાન અને યમન તરફ ફંટાયું :સાયક્લોનનું વલણ પણ બદલાઈ ગયું :ત્રણ-ચાર દિવસ વાવાઝોડાની શક્યતા નથી પરંતુ ગરમીનું જોર યથાવત રહેશે access_time 8:15 pm IST

  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST