Gujarati News

Gujarati News

News of Monday, 21st May 2018

ત્રંબા પાસે રોઝડુ આડે આવતાં નવેનવી કારનો બૂકડોઃ અંદર બેઠેલા લોકોનો ચમત્કારીક બચાવઃ રોઝડાને ગંભીર ઇજા

કાળીપાટથી આર. કે. કોલેજ વચ્ચેના રસ્તા પર અવાર-નવાર આવા અકસ્માત સર્જાય છે

રાજકોટઃ રાજકોટ-ભાવનગર હાઇવે પર ત્રંબા નજીક મુરલીધર કોલેજ પાસે રાત્રીના રોડ પર અચાનક રોઝડુ દોડી આવતાં અને કારની ઠોકરે ચડી જતાં કારના આગળના ભાગનો બૂકડો બોલી ગયો હતો. રોઝડાને ગંભીર ઇજા થતાં રોડ પર ફેંકાઇ ગયું હતું. બીજી તરફ અકસ્માતને કારણે કાર સોએક ફુટ સુધી ઢસડાઇને દૂર જતી રહી હતી. જાણવા મળ્યા મુજબ કારમાં બે મહિલા, બે બાળકો અને એક પુરૂષ હતાં. આ પરિવારજનોનો નજીવી ઇજા સાથે ચમત્કારીક બચાવ થયો હતો. રોઝડાને ઇજા પહોંચી હોઇ કોઇએ એનિમલ હેલ્પલાઇનને ફોન કરતાં તેને રાજકોટ સારવાર માટે લઇ જવાયું હતું. ત્રંબાના જી.એન. જાદવે તસ્વીરો મોકલી હતી. આ રોડ પર કાળીપાટથી આર. કે. કોલેજ વચ્ચે અવાર-નવાર રોઝડાને કારણે અકસ્માત સર્જાય છે. પરંતુ વન વિભાગ દ્વારા આ બાબતની જાણકારી આપતાં કોઇપણ સાઇન બોર્ડ મુકાયા નથી. રોઝડાની અવર-નવર થતી હોઇ વાહન ચાલકો વાહન ધીમે હંકારે તેની સુચના આપતા સાઇન બોર્ડ મુકવા જરૂરી છે. (૧૪.૧૨)

 

 

(1:03 pm IST)
  • સુરેન્દ્રનગર : વઢવાણ તાલુકાના સાંકળી ગામે વિજ ચેકીંગમા ગયેલ PGVCL ટીમ પર ગ્રામજનોએ કર્યો પથ્થરમારો access_time 11:18 am IST

  • MPમાં કોંગ્રેસ મુખ્યમંત્રીપદનો ચહેરો જાહેર નહિ કરે : મધ્ય પ્રદેશમાં મુખ્યમંત્રી પદનો ચહેરો જાહેર કર્યા વગર કોંગ્રેસ ચૂંટણી લડશેઃ કમલનાથઃ સૂત્રો કહે છે, કમલનાથ અને જયોતિરાદિત્ય જૂથો વચ્ચે જોરદાર વિવાદ ચાલે છેઃ દિગ્વીજયસિંહે પણ નવો મોરચો ખોલ્યો છે access_time 3:42 pm IST

  • આગામી ત્રણ-ચાર દિવસમાં ચોમાસુ દક્ષિણ-પશ્ચિમ વિસ્તારોમાં દસ્તક દેશે :વાવાઝોડું થંભી ગયું -ઓમાન અને યમન તરફ ફંટાયું :સાયક્લોનનું વલણ પણ બદલાઈ ગયું :ત્રણ-ચાર દિવસ વાવાઝોડાની શક્યતા નથી પરંતુ ગરમીનું જોર યથાવત રહેશે access_time 8:15 pm IST