News of Sunday, 20th May 2018

વિડીયો : શાપરમાં આવેલી રાદડિયા ઈન્ડસ્ટ્રી પાસે કચરો ફેકવા જેવી નજીવી બાબતે દલિત દંપતીને ઢોરમાર મરાતા મુકેશ વાણીયા નામના યુવક નું સ્થળ પર મોત : પત્નીને ગંભીર ઈજાઓ સાથે હોસ્પીટલમાં ખસેડાઈ : સમગ્ર ઘટના cctvમાં થી કેદ : વિડીયો થયો સોશ્યલ મીડિયામાં વાયરલ

કારખાનાના માલિક અને તેના કામદારો વિરુદ્ધ હત્યાનો ગુનો નોંધી આરોપીઓને પકડવા માટે પોલીસે ચક્રો ગતિમાન કર્યાં

રાજકોટઃ રાજકોટની શાપર (વેરાવળ) ઈન્ડસ્ટ્રીમાં કચરો ફેંકવા જેવી નજીવી બાબતે ચાર વ્યક્તિઓએ ભેગા થઈ કથિત દલિત યુવાનને બેરહેમીથી માર મારી મોતને ઘાટ ઉતાર્યાની ઘટના સામે આવી છે. એક રિપોર્ટ અનુસાર રાજકોટની શાપર ઈન્ડસ્ટ્રીમાં આવેલી રાદડિયા ઈન્ડસ્ટ્રી નજીક કચરો ફેંકતા યુવાન મુકેશ વાણીયા અને તેની પત્નીને ક્રુરતાપૂર્વક માર મારવામાં આવ્યો હતો. જેથી યુવકનું મોત થયું હતું. જ્યારે તેની પત્નીને હોસ્પિટલમાં ખસેડવામાં આવી છે.

રાજકોટના શાપર વેરાવળમાં આવેલી રાદડિયા ઈન્ડસ્ટ્રી નજીક 35 વર્ષીય યુવાન અને તેની પત્નીએ કચરો ફેંકતાં હતાં. આ દરમિયાન કારખાનાના માલિક અને તેના કામદારો દ્વારા ચોરી કરવાના આક્ષેપ સાથે યુવાન અને તેની પત્નીને ઢોરમાર મરાયો હતો. બેરહેમીપૂર્વક માર મારતાં યુવકે ઘટનાસ્થળે જ દમ તોડ્યો હતો.

આ સમગ્ર ઘટના સીસીટીવીમાં કેદ થઈ હતી. જેનો વીડિયો વાઈરલ થયો હતો. વાઈરલ થયેલા વીડિયોમાં જોવા મળે છે કે બે વ્યક્તિઓ પાઈપ દ્વારા યુવકને ફટકારી રહ્યાં છે અને યુવક પોતાને છોડી મૂકવા માટે આજીજી કરી રહ્યો છે.

આ સમગ્ર ઘટનાની જાણ થતાં પોલીસ ઘટનાસ્થળે દોડી આવી હતી. પોલીસે મૃતક યુવાનની લાશને પોસ્ટમોર્ટમ માટે મોકલી તેની પત્નીની ફરિયાદના આધારે કારખાનાના માલિક અને તેના કામદારો વિરુદ્ધ હત્યાનો ગુનો નોંધી આરોપીઓને પકડવા માટે ચક્રો ગતિમાન કર્યાં છે.

 

(7:01 am IST)
  • સુરત : કામરેજમાં ગોલ્ડન પ્લાઝા શાક માર્કેટ પાસે ટ્રિપલ મર્ડરનો આરોપી ગૌતમ ગોયાણી ઉર્ફે ગોલ્ડનની મોડી રાત્રે કરાઈ હત્યા : કામરેજ પોલીસે તપાસ શરૂ કરી : કિશન ખોખર અને તેના સાગરીતો દ્વારા હત્યા કરવામાં આવી હોવાની આશંકા : જમીનના ઝઘડામાં ગૌતમે 3 હત્યા કરી હતી access_time 11:19 am IST

  • રાજ્યની તમામ આરટીઓમાં પાકા લાઈસન્સ માટે સેન્સર વાળા ટ્રેક પર ડ્રાઈવિંગ ટેસ્ટની કામગીરી ફરી ખાનગી એજન્સીને સોંપવાની કવાયત શરૂ કરતું ગુજરાત RTO access_time 11:19 am IST

  • બુખારીએ દિલ્હી હાઇકોર્ટને કહ્યું મુગલ બાદશાહ શાહજહાંએ આપી હતી ઈમામની પદવી :જમા મસ્જિદના શાહી ઇમામ મૌલાના સૈયદ અહમદ બુખારીએ મસ્જિદમાં પોતાના પુત્રને ઉત્તરાધિકારી બનાવવાના નિર્ણયનો બચાવ કરતા કહ્યું કે આ પદવી પહેલા ઇમામને મુગલ બાદશાહ શાહજહાંએ આપી હતી અને વર્ષોથી તેમના પરિવારને જ ઇમામ બનાવાય છે જે હજુ સુધી કાનૂની વિવાદમાં નથી access_time 1:39 am IST