Gujarati News

Gujarati News

News of Wednesday, 21st April 2021

કોરોના દર્દીઓ - સંબંધીઓ માટે સારવાર - ભોજનનો સેવાયજ્ઞ કરનાર નેહલ શુકલ કોરોનાથી સંક્રમિત

તબીબોની સલાહ મુજબ હોમ કોરોન્ટાઇન : સંપૂર્ણ આરામની સલાહ

રાજકોટ તા. ૨૧ : ભાજપના કોર્પોરેટર અને કોરોના મહામારીમાં દર્દીઓ માટે સારવાર - ભોજન સહિતની સુવિધા માટે અનોખો સેવાયજ્ઞ કરનાર નેહલભાઇ શુકલ ખુદ કોરોનાથી સંક્રમિત થતાં ભારે ચિંતાની લાગણી ફેલાઇ છે.

સૌરાષ્ટ્ર યુનિવર્સિટી ખાતે ૧૫૦ બેડનું સુવિધાપૂર્ણ કોવિડ કેર સેન્ટર સરકાર સાથે સંકલન કરીને શરૂ કરનાર નેહલભાઇ શુકલ અનેક દર્દીઓના સંપર્કમાં આવ્યા હતા. બે દિવસ પહેલા સામાન્ય લક્ષણો માલુમ પડતા આરટીપીસીઆર રીપોર્ટ કરાવેલ જે પોઝિટિવ આવેલ છે.

તબીબોની સારવાર અને સલાહ મુજબ હાલ નેહલભાઇ શુકલ હોમ કોરોન્ટાઇન થયા છે. તબીબોએ સંપૂર્ણ આરામ કરવાની સલાહ આપી છે.

(3:18 pm IST)
  • ઉત્તર ગુજરાતના કેટલાક ભાગોમાં બપોર બાદ તોફાની પવન સાથે વરસાદની સંભાવના : ગુજરાતના અનેક શહેરોમાં મહત્તમ તાપમાનમાં એકથી ત્રણ ડિગ્રીનો ઘટાડો નોંધાયો છેઃ ઉત્તર ગુજરાતના બનાસકાંઠા, પાટણ અને કચ્છના અમુક ભાગોમાં આજે બપોર બાદ તોફાની પવન અને ગાજવીજ સાથે વરસાદની સંભાવના છે access_time 4:07 pm IST

  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • સાબરમતી કાંઠામાં કમોસમી વરસાદથી પાકને નુકશાન : સાબરકાંઠાના વાતાવરણમાં પલટોઃ જિલ્લામાં મધરાત બાદ ભારે પવન સાથે વરસાદ, ખેતરમાં ઘઉંના પાકને નુકસાનની ભીતિ છે. access_time 4:07 pm IST