Gujarati News

Gujarati News

News of Wednesday, 21st April 2021

ત્રંબા પાસેના વડાળીનો હિતેષ બારૈયા ૧૫ વર્ષની બાળાનું અપહરણ કરી ગયો

અગાઉ હિતેષે બાળાને મોબાઇલ ફોન આપ્યો હોઇ પરિવારજનોએ ઠપકો આપતાં પોતે તેને ભગાડી જશે તેવી ધમકી દીધી'તીઃ આજીડેમ પોલીસે શોધખોળ આદરી

રાજકોટ તા. ૨૧: વડાળી ગામનો હિતેષ નામનો શખ્સ ૧૫ વર્ષની બાળાને લલચાવી ફોસલાવી ભગાડી જતાં આજીડેમ પોલીસે અપહરણનો ગુનો નોંધી તેની શોધખોળ હાથ ધરી છે.

આ મામલે અપહૃત બાળાના પિતાની ફરિયાદ પરથી ત્રંબા પાસેના વડાળી ગામના હિતેષ ધીરૂભાઇ બારૈયા સામે આઇપીસી ૩૬૩, ૩૬૬ મુજબ ગુનો નોંધ્યો છે. ફરિયાદી ખેતી કામ કરી ગુજરાન ચલાવે છે અને સંતાનમાં બે પુત્રી તથા બે પુત્ર છે. સોૈથી નાની દિકરી ૧૫ વર્ષની છે. ૧૯/૪ના રાતે તે અને તેમના પત્નિ તથા બાળકો જમીને સુઇ ગયા હતાં. નાની દિકરી માતા સાથે એક જ ખાટલામાં સુતી હતી. ૨૦મીએ મોડી રાતે ત્રણેક વાગ્યે માતાની ઉંડ ઉડી ત્યારે બાજુમાં દિકરી જોવા ન મળતાં તેણીએ ઘરના બીજા લોકોને જગાડ્યા હતાં. બધાએ આસપાસમાં તપાસ કરતાં તે કયાંય જોવા મળી નહોતી. વાડી વિસ્તારમાં પણ શોધખોળ કરી હતી. પરંતુ પત્તો મળ્યો નહોતો.

અગાઉ આ બાળા પાસેથી પરિવારજનોને એક મોબાઇલ ફોન મળ્યો હતો અને તે બાબતે તેણીને ઠપકો આપ્યો હતો. ત્યારે તેણીએ આ ફોન પોતાને ગામના જ હિતેષ બારૈયાએ આપ્યો હોવાનું કહ્યું હતું. જે તે વખતે પરિવારજનોએ મોબાઇલ ફોન તોડી નાંખી હિતેષ કોૈટુંબીક સગામાં થતો હોઇ તેને પણ ઠપકો આપ્યો હતો. ત્યારે હિતેષે ધમકી આપી હતી કે પોતે સગીરાને ભગાડીને લઇ જશે, થાય તે કરી લેજો. હાલમાં હિતેષના બે મોબાઇલ પણ બંધ આવતાં હોઇ તપાસ કરતાં તેના ઘરેથી તે પણ ગાયબ હોવાનું જણાતાં એ જ લલચાવી ફોસલાવી અપહરણ કરી ગયાનું જણાતાં તેના વિરૂધ્ધ ફરિયાદ કરી હતી.

અપહૃત સગીરા પાતળા બાંધાની અને ઘંઉવર્ણી છ. તેની ઉંચાઇ આશરે ચાર ફુટ છે. ઘરેથી નીકળી ત્યારે કબુતરી કલરનો ટોપ અને સફેદ ચોરણી પહેર્યા હતાં. આજીડેમ પીઆઇ વી. જે. ચાવડા, એએસઆઇ જાવેદભાઇ રિઝવી, સ્મીતભાઇ વૈશ્નાણીએ અપહરણનો ગુનો નોંધી તપાસ શરૂ કરી છે.

(12:01 pm IST)
  • કેન્દ્રીય સંરક્ષણ પ્રધાન રાજનાથસિંહના કાર્યાલયમાં મંત્રણાનો દોર શરૂ : જે રાજયોમાં કોરોનાની પરિસ્થિતિ બેકાબુ બની છે તે રાજયોની આર્મી હોસ્પિટલને કોવિડ હોસ્પિટલમાં ફેરવી આમ પ્રજા માટે ખુલ્લી મૂકવામાં આવે તેવા વિચાર કરી રહ્યા છે access_time 12:43 pm IST

  • કેન્દ્રીય આરોગ્યમંત્રી ડો. હર્ષવર્ધનની જાહેરાત : COVID19 પ્રધાનમંત્રી ગરીબ કલ્યાણ પેકેજ (PMGKP) હેઠળની વીમા યોજના, આરોગ્ય સેવા આપતા કર્મચારીઓ માટે આજથી વધુ 1 વર્ષ માટે લંબાવવામાં આવી છે. access_time 11:31 pm IST

  • આજે રાજકોટ શહેર - જિલ્લામાં કોરોના આંશિક શાંત પડ્યો : આજે સાંજ સુધીમાં રાજકોટ શહેરમાં 397 અને ગ્રામ્યના 119 કેસ સાથે કુલ 516 નવા કોરોના ના કેસ નોંધાયા access_time 7:54 pm IST