Gujarati News

Gujarati News

News of Thursday, 21st March 2019

ડિટર્જન્ટ લિકવીડ વેંચવા આવેલા ગઠીયાઓએ રેસકોર્ષ પાર્કમાં બે વણિક વૃધ્ધાને સોનાના દાગીના ચળકાવી દેવાના બહાને ૯૦ હજારની ઠગાઇ કરી

રાજકોટ : શહરમાં સોનાના દાગીના ઉજાળી આપવાના બહાને ઠગાઇ કરતાં ગઠીયા મેદાને આવ્યા છે. રેસકોર્ષ પાર્કમાં રહેતાં ૬૫ વર્ષના વણિક વૃધ્ધાના ઘરે ડિટર્જન્ટ લિકવીડ વેંચવાના બહાને આવેલા બે ગઠીયા આ વૃધ્ધા અને ગોંડલથી આવેલા તેમના જેઠાણીને છેતરી સોનાના પાટલા બંગડી કાળા રંગનું પ્રવાહી ભરેલી તપેલીમાં નાંખી નજર ચુકવી કુલ ૯૦ હજારના દાગીના બઠ્ઠાવીને ભાગી ગયાનો બનાવ સામે આવ્યો છે. આ બારામાં પોલીસે રેસકોર્ષ પાર્કના લીનાબેન પ્રમોદભાઇ પારખે (વણિક) (ઉ.૬૫)ની ફરિયાદ પરથી બે અજાણ્યા સામે ગુનો નોંધ્યો છે. પ્ર.નગરના મહિલા પીએસઆઇ બી. પી. વેગડા અને બાબુલાલ ખરાડી વધુ તપાસ કરે છે.

(1:29 pm IST)
  • અભી બોલા અભી ફોક : લોકસભા ચૂંટણી નહીં લડવાની ઘોષણા કરનાર માયાવતીએ પોતે પી.એમ.ની રેસમાં શામેલ હોવાનું જણાવ્યું :આ અગાઉ સૌપ્રથમવાર યુ.પી.ના મુખ્યમંત્રી બન્યા ત્યારે પણ ધારાસભ્ય તરીકે બાદમાં ચૂંટાઈ આવ્યા હતા તેવો ટ્વીટર મેસેજ વહેતો કર્યો access_time 12:48 pm IST

  • ભરૂચમાં વિશ્વ ચકલી દિવસની ઉજવણી: ચકલીઓ વિલુપ્ત થતી બચાવવા સ્વૈરિછક સંસ્થાઓ દ્વારા પાણીના 500 કુંડા અને 1000 માળાનું વિતરણ કરાયું: ચકલીના અસ્તિત્વને બચાવવા લોકોમાં જાગૃતિ લાવવાનો પ્રયાસ કરાયો access_time 10:46 pm IST

  • ગીર સોમનાથના વેરાવળના દરિયામાં બે યુવાનો ડુબ્યાઃ ધુળેટી રમ્યા બાદ પડયા હતા દરીયામાં: સ્થાનીકોએ શોધખોળ શરૂ કરીઃ એક યુવક મળ્યો અને એકની શોધખોળ ચાલુ access_time 6:52 pm IST