Gujarati News

Gujarati News

News of Wednesday, 21st March 2018

યુવતીને પરાણે સંબંધ રાખવા દબાણ કરી ધમકી આપનાર યુવકને ૧૮૧ની ટીમે કાયદાનું ભાન કરાવ્યું

રાજકોટ, તા., ર૧: રાજકોટમાં એક હોસ્પીટલમાં નોકરી કરતી ર૦ વર્ષની યુવતીને તેની સાથે કામ કરતા ૧૮ વર્ષના યુવકે બળજબરી પુર્વક સંબંધ રાખવા માટે દબાણ કરી બ્લેક મેઇલ કરવાની ધમકી આપતો હોવાનો મામલો સામે આવતા ૧૮૧ અભ્યમ દ્વારા યુવકને બોલાવી માફી મંગાવતા મામલો થાળે પડયો હતો.

મળતી વિગત મુજબ જુનાગઢ પંથકની ર૦ વર્ષની યુવતી રાજકોટની એક હોસ્પીટલમાં નોકરી કરતી હતી. તેની સાથે નોકરી કરતો ૧૮ વર્ષનો યુવક સાથે પરીચય થતા બંને બે માસથી એક બીજાના કોન્ટેકટમાં હતા અને તે ફ્રેન્ડશીપમાં પરીણમી હતી. પરંતુ યુવકે તેનો ગેરફાયદો ઉઠાવી યુવતીને બળજબરીથી સંબંધ રાખવા હેરાન કરવા લાગ્યો હતો. આટલુ જ નહી યુવતીને સંબંધ રાખવાની ના પાડતા યુવકે ફોન પર હેરાન કરી બ્લેકમેઇલ કરવાની ધમકી આપી હતી. તેમજ યુવતીના ફોટા કે જે તેના મોબાઇલમાં હતા તે તેના પરીવારને દેખાડવાનું જણાવી પરેશાન કરતો હતો. યુવતીએ આ અંગે ૧૮૧ ને જાણ કરતા તેના કાઉન્સેલર સરલાબેન અને કરણસિંહ ઝાલાએ રેસ્કયુ વેન સાથે ત્યાં પહોંચી યુવતી દ્વારા ફોન કરાવી યુવકને ઢેબર રોડ પર બોલાવ્યો હતો. બાદમાં તેના મોબાઇલમાંથી યુવતીના ફોટા અને નંબર ડીલીટ કરાવ્યા હતા. યુવકે જાહેરમાં માફી માંગી લેતા મામલો થાળે પડયો હતો. જો કે આ અંગે ફરીયાદ કરવાનું યુવતીએ ટાળ્યું હતું.

(4:20 pm IST)
  • સિંગર અલકા યાજ્ઞિક આજે પોતાનો 52મો જન્મદિવસ ઉજવી રહી છે. અલકાનો જન્મ કલકત્તાના એક મધ્યમ વર્ગીય પરિવારમાં થયો હતો. અલકાએ પોતાના માતા શુભા યાજ્ઞિક પાસેથી શાસ્ત્રીય સંગીતનો અભ્યાસ કર્યો હતો. અલકાએ 1989માં નીરજ કપૂર સાથે લગ્ન કર્યા, પરંતુ તે પાછલા 25 વર્ષથી પતિથી અલગ રહે છે. બન્ને વચ્ચે કોઈ મતભેદ કે ઝઘડો નથી, પણ પોતાના કામને કારણે તેમણે આ નિર્ણય લીધો છે. access_time 1:49 am IST

  • દિલ્હી અને એનસીઆર ઉપર જોરદાર વાદળા ઘેરાયાઃ વરસાદની અને પવન ફુંકાવાની આજે પુરી સંભાવનાઃ જો કે આવતીકાલ સુધીમાં હવામાન ચોખ્ખુ થઈ જવા આગાહી access_time 12:52 pm IST

  • હે ભગવાન.... ઉત્તરપ્રદેશના ગાજિયાબાદમાં જ્યાં એક MBBS ડૉક્ટર મહિલાએ યુવાન બનાવા અને પોતાની પાસે રહેલું સોનું ડબલ કરવાની લાલચ સાથે તાંત્રિકને નાની મોટી નહીં પરંતુ પૂરા રુપિયા 2 કરોડની રકમ આપી હતી. પોતાની સાથે ઠગાઈ થઈ હોવાનું જાણમાં આવતા 55 વર્ષીય મહિલા ડૉક્ટરે પોલીસમાં ફરિયાદ કરી હતી. ડૉક્ટરે તાંત્રિકને રુ. 65 લાખ કેશ અને દોઢ કિલો સોનું તેમજ ચાંદીના ઘરેણા આપ્યા હતા. access_time 1:48 am IST