Gujarati News

Gujarati News

News of Wednesday, 21st March 2018

મોબાઇલના ધંધાર્થી વિરૂધ્ધ ચેક પાછો ફરવાની ફરિયાદમાં વોરંટ

રાજકોટ તા.૨૧: ચેક રીટર્નમાં કેસમાં સમન્સની બજવણી બાદ પણ મુદતે હાજર ન રહેતા મોબાઇલના ધંધાર્થી મે.હર્ષ મોબાઇલના માલીક જીજ્ઞેશ મોરી સામે  કોર્ટે વોરંટ ઇસ્યુ કરેલ છે.

આ કેસની હકીકત જોતા રાજકોટના પાટીદાર અગ્રણી અને ઓમ માર્કેટીંગના નામથી ચાલતી મોબાઇલ ડીસ્ટ્રબ્યુટરની પેઢીમાંથી ૧, લક્ષ્મીનગર ખાતે આવેલ મે.હર્ષ મોબાઇલના માલીક જીજ્ઞેશભાઇ મોરી દ્વારા જુદી જુદી કંપનીના જુદા જુદા મોડલ્સના ૧,૭૪,૩૬૭ ની કિંમતના મોબાઇલ ખરીદવામાં આવેલ હતા. ખરીદી બાદ વારંવારની વિનંતી આધીન જુદી જુદી તારીખે જુદી જુદી રકમનો ચેક દ્વારા રૂ.૧,૨૪,૮૧૭/-ની ચુકવણી કરવામાં આવેલ હતી અને કોઇપણ અગમ્ય કારણસર રૂ.૪૯,૫૫૦ ની ચુકવણી કરવામાં આવેલ ન હતી.

સદરહુ બાકી રહેતી કાયદેસરની લેણી નીકળતી રકમ ચુકવી આપવા માટે મે.ઓમ માર્કેટીંગ દ્વારા વારંવાર વિનંતી કરતા આ કેસના આરોપી મે.હર્ષ મોબાઇલ-જીજ્ઞેશ મોરી દ્વારા બાકી રહેતી રકમની ચુકવણી અર્થે રૂ.૧૦,૦૫૦/- તથા રૂ.૩૯,૦૦૦ના કોટક મહીન્દ્રા બેંકના બે ચેક મે.ઓમ માર્કેટીંગને આપવામાં આવેલ. મે. ઓમ માર્કેટીંગ દ્વારા સદરહુ ચેક વસુલાત અર્થે રજુ કરવામાં આવતા વગર વસુલાતે ચેક રીટર્ન થયેલ હતા.

કોર્ટ દ્વારા આ કેસના આરોપી સામે સમન્સ ઇસ્યુ કરવામાં આવેલ અને સદરહુ સમન્સની બજવણી થયેલ હોવા છતા કોર્ટે ઠેરવેલ તારીખે આરોપી ઉપસ્થિત ન રહેતા ફરીયાદીના વકિલની અસરકારક રજુઆત ધ્યાને લઇ કોર્ટ દ્વારા કડક વલણ અપનાવી ન્યાયીક પ્રક્રિયાના ભાગરૂપે આ કામના આરોપીને કોર્ટ સમક્ષ હાજર કરવા વોરંટ ઇસ્યુ કરવામાં આવેલ છે. આ કામમાં ફરિયાદી મે.ઓમ. માર્કેટીંગ વતી એડવોકેટ શ્રી ગજેન્દ્ર એમ.જાની રોકાયેલ છે.

(4:09 pm IST)
  • દિલ્હી : દ્વારકાની ઈપીએફ ઓફીસમાં બનાવટી ખાતા કૌભાંડ : કરોડો જમા કરાવ્યા : નવી દિલ્હી : કૌભાંડોની હારમાળામાં વધુ એક કૌભાંડ ઉમેરાયુ : દિલ્હીના દ્વારકા ખાતેની ઈપીએફ ઓફીસમાં ૪ કરોડ રૂપિયા બનાવટી ખાતાઓમાં જમા કરાયાની એફઆઈઆર નોંધાવાઈ : ૧ કર્મચારીની ધરપકડ થઈ access_time 3:41 pm IST

  • આજે ગણિતની પરીક્ષા હતી. બીજા સ્ટુડન્ટનીની જેમ અંધજન સ્કૂલના સ્ટુડન્ટ વિઘ્નેશ પાઠકે પણ ગણીતના દાખલા ઉકેલ્યા હતાં. જો કે વિઘ્નેશ બીજા સ્ટુડન્ટ કરતાં જુદો પડે છે કેમ કે એમણે ક્યારેય આંકડાઓ જોયા જ નથી, માત્ર અનુભવ્યા છે. વિઘ્નેશ સંપૂર્ણ અંઘ છે, બ્રેઇલ લીપીથી દાખલાઓ ગણીને બોર્ડની પરીક્ષા આપી હતી. જેથી આવી ઘટના સમગ્ર ગુજરાતમાં પ્રથમવાર બની છે. access_time 1:49 am IST

  • ભારે કરી.... નિદાહાસ ટ્રોફીની ફાઈનલ મેચમાં ભારત સામે બાંગ્લાદેશનો પરાજય થયો હતો. વલસાડ તાલુકાનાં વાંકલ ગામે રહેતા નિવૃત્ત શિક્ષક પ્રવીણભાઈ બાબરભાઈ પટેલ રવિવાર રાત્રે ભારત અને બાંગ્લાદેશ વચ્ચેની નિદાહાસ ટ્રોફીની ફાઈનલ મેચ પત્ની સાથે નિહાળી રહ્યા હતાં. છેલ્લા બોલે છગ્ગો ફટકારતા જ પ્રવિણભાઈનું હ્રદય હુમલો થયો, હોસ્પિટલે જતા રસ્તામાં જ કાળ ભેટી ગયો હતો. access_time 1:49 am IST