Gujarati News

Gujarati News

News of Wednesday, 21st March 2018

લોધીકામાં GIDCનું ક્ષેત્રફળ વધારી ૩૪૧ હેકટર કરાશેઃ જમીન માપણીની કામગીરી ચાલુઃ આજે મીટીંગ

રાજકોટ, તા.૨૧: રાજય સરકાર દ્વારા લોધીકા પાસે જીઆઈડીસીની જાહેરાત કરવામાં આવી છે. તે સંદર્ભે કલેકટરશ્રી વિક્રાંત પાંડેએ પત્રકારો સાથેની વાતચીતમાં જણાવેલ કે લોધીકા જીઆઈડીસીનું હાલ ક્ષેત્રફળ ૧૧૬ હેકટર છે. જે વધારીને ૩૪૧ હેકટર કરવામાં આવશે.

આ અંગે કલેકટર તંત્ર અને જીઆઈડીસીના અધીકારીઓની મીટીંગ પણ આજે યોજાનાર હોવાનું પણ કલેકટરે જણાવ્યું હતુ.

આ અંગે હાલ જમીન માપણીનું કામ ચાલુ છે. આ ઉપરાંત ગોચરની જમીન તથા સરકાર હસ્તકની જમીન અંગે પણ માપણી કરવામાં આવનાર છે. આ ઉપરાંત વાઈબ્રન્ટ સમીટમાં જે કંપનીઓ દ્વારા MOU કરવામાંં આવ્યા છે તે પણ લોધીકા જીઆઈડીસીમાં આવશે.

આજની કલેકટર તંત્ર અને જીઆઈડીસી વચ્ચેની બેઠકમાં મુખ્ય ચર્ચા જમીનના ભાવ અંગે થશે. જેમાં કલેકટર દ્વારા બજારભાવે જયારે વેપારીઓ દ્વારા જંત્રી ભાવ થી ખરીદવા માંગણી કરવામાં આવેલ. આ અંગેના અંતિમ નિર્ણય રાજય સરકાર કરશે તેમ વધુમાં જણાવાયું છે.

લોધીકા જીઆઈડીસી સૌરાષ્ટ્રમાં ત્રીજા નંબરની સૌથી મોટી જીઆઈડીસી તરીકે આકાર પામશે. જામનગરના દરેડ ખાતે આવેલ જીઆઈડીસી સૌથી મોટી છે જયારે શાપર જીઆઈડીસી બીજા ક્રમાકે છે.

(3:57 pm IST)
  • ઇન્ડિયન ઇન્સ્ટિટ્યૂટ ઓફ મેનેજમેન્ટ (આઇઆઇએમ) જેવી પ્રતિષ્ઠિત સંસ્થાઓના હવેથી આધ્યાત્મિકતા અને માનવીય મૂલ્યોનું શિક્ષણ પણ આપવામાં આવશે. જેથી ભવિષ્યના મેનેજર્સ દબાણ વચ્ચે પણ શાંતિનો અનુભવ લઈ શકે. આઇઆઇએમ-અમદાવાદ ખાતે ભવિષ્યના કોર્પોરેટ લીડર્સને ભગવદ્‌ગીતાના પાઠ ભણાવવામાં આવી રહ્યા છે. આઇઆઇએમના પ્રોફેસરે જણાવ્યું કે તેનાથી સ્ટ્રેસમાં ઘટાડો થશે. access_time 2:12 am IST

  • હે ભગવાન.... ઉત્તરપ્રદેશના ગાજિયાબાદમાં જ્યાં એક MBBS ડૉક્ટર મહિલાએ યુવાન બનાવા અને પોતાની પાસે રહેલું સોનું ડબલ કરવાની લાલચ સાથે તાંત્રિકને નાની મોટી નહીં પરંતુ પૂરા રુપિયા 2 કરોડની રકમ આપી હતી. પોતાની સાથે ઠગાઈ થઈ હોવાનું જાણમાં આવતા 55 વર્ષીય મહિલા ડૉક્ટરે પોલીસમાં ફરિયાદ કરી હતી. ડૉક્ટરે તાંત્રિકને રુ. 65 લાખ કેશ અને દોઢ કિલો સોનું તેમજ ચાંદીના ઘરેણા આપ્યા હતા. access_time 1:48 am IST

  • સલમાન ખાનની સાથે વીરગતિ ફિલ્મમાં કામ કરી ચુકેલી અભિનેત્રી પૂજા ડડવાલ હાલ ટીબીની બિમારી સામે જજૂમી રહી છે. માહિતી મળી છે કે, તેમના પરિવારે પણ તેનો સાથ છોડી દીધો છે. આપને જણાવી દઈએ કે પૂજાએ એક વિડીયો દ્વારા સહિયોગની અપીલ કરી હતી. ત્યારે ભોજપૂરી સ્ટાર રવિ કિશને તેના મિત્ર દ્વારા રૂપિયા અને ફળો હોસ્પિટલમાં મોકલ્યા હતા access_time 2:11 am IST