Gujarati News

Gujarati News

News of Friday, 11th June 2021

પેટ્રોલ-ડિઝલના ભાવ વધારા સામે કોંગ્રેસ મેદાનમાં: શહેર પ્રમુખ-પ્રદેશ મહિલા પ્રમુખ સહિત ૨૭ની અટકાયત

આજે સવારે ત્રિકોણબાગ ખાતે ધરણા યોજી, સુત્રોચ્ચારોના પ્લે કાર્ડ પ્રદશિત કરી સરકાર સામે વિરોધ દર્શાવ્યો

 શહેર કોંગ્રેસ દ્વારા આજે સવારે  ત્રીકોણ બાગ ખાતે પેટોલ - ડિઝલનાં ભાવ વધારા સામે ધરણા યોજતા ૨૭ આગેવાનો, પુર્વ કોર્પોરેટરો, કાર્યકર્તાઓની પોલીસે ટીંગા ટોળી સાથે અટકાયત કરી હતી. તે વખતની તસ્વીર(તસ્વીર-સંદિપ બગથરીયા)  

રાજકોટ,તા. ૧૧: પેટ્રોલ-ડીઝલના ભાવ વધારા સામે શહેર કોંગ્રેસ દ્વારા ધરણા યોજી ભાજપ તેરે એચ્છે દિન,જનતા તેરે બૂરે દિન સહિતના વિવિધ સુત્રોચ્ચારો કરી વિરોધ નોંધાવ્યો હતો. આ કાર્યક્રમમાં પોલીસે ૨૭ આગેવાનો, પૂર્વ કોર્પોરેટર, કાર્યકર્તાઓની ટીંગાટોળી સાથે અટકાયત કરી હતી.

પેટ્રોલી -ડીઝલના ભાવ વધારાને લઇને રાજકોટ કોંગ્રેસ દ્વારા આજે ત્રિકોણબાગ ખાતે મોટી સંખ્યામાં કાર્યકરો અને નેતાઓ ધરણાં પર બેસી ગયા હતા.

સરકાર સામે આગેવાનોઓએ સિલિન્ડર મોંઘુ..મોંઘુ તેલ જુઓ આ છે મોદીનો ખેલ, મોંઘો ગેસ, મોંઘુ તેલ, બંધ કરો લૂંટનો ખેલ ભાજપ તેરે અચ્છે દિન, જનતા તેેરે બુરે દિન સહિતના સુત્રોચ્ચારના પ્લે કાર્ડ પ્રદર્શિત કરી સરકાર સામે વિરોધ નોંધાવ્યો હતો.

કોંગ્રેસ દ્વારા ધરણા યોજતા પોલીસે શહેર કોંગ્રેસ પ્રમુખ અશોક ડાંગર, પ્રદેશ કોંગ્રેસ મહિલા પ્રમુખ ગાયત્રીબા વાઘેલા, મ.ન.પા નાં વિપક્ષ નેતા ભાનુબેન સોરાણી, કાર્યકારી પ્રમુખ પ્રદિપ ત્રિવેદી, પૂર્વ પ્રમુખ જશવંતસિંહ ભટ્ટી મહેશ રાજપૂત ૨૭ આગેવાનો પૂર્વ કોર્પોરેટર, કાર્યકરોની અટકાયત કરવામાં આવી હતી.

(3:10 pm IST)
  • ખંઢેરી રેલ્વે સ્ટેશનને વધુ સુવિધાયુકત બનાવવા માટે કલેકટર અને રેલ્વે તંત્ર વચ્ચે મીટીંગ : એઈમ્સ બની રહી હોય રાજયભરમાંથી દર્દીઓ આવે તે સંદર્ભે રેલ્વે આ મહત્વનો પ્લાનીંગ કરી રહ્યા છે : ખંઢેરી એઈમ્સ માટે પરાપીપળીયાનો ૭ મીટરનો રોડ ૧૦ મીટરનો કરવા કવાયત : રૂડાનો ડી.પી. રોડ પણ ડેવલપ કરાશે : આ બાબતે આજે માર્ગ - મકાનના સુપ્રિટેન્ડેન્ટ અને એજ્યુકેટીવ ઈજનેરને કલેકટરે મીટીંગ માટે બોલાવ્યા access_time 12:15 pm IST

  • ચીનમાં બર્ડ ફ્લુનો રોગચાળો ફાટી નીકળ્યો: હજારો પક્ષીઓના મોત : ચીનના શાનક્ષય પરગણામાં બર્ડ ફલૂ H5N8 નો રોગચાળો ફાટી નીકળ્યાનું ન્યૂઝફર્સ્ટ જણાવે છે. શેનમૂ શહેરના હોંગજિહનાઓ રિઝર્વ ક્ષેત્રમાં ૪૦૦૦ થી વધુ વાઈલ્ડ પક્ષીઓના માંદા પડીને મોત થયા છે . access_time 10:04 am IST

  • કલેકટરની જાહેરાત : કાલે કોરોનાની થર્ડ વેવ અંગે સરકારી અને પ્રાઈવેટ ડોકટરો સાથે આખો દિવસ મીટીંગ : નોડલ ઓફીસર ગુપ્તા કાલે આવી રહ્યા છે : જેમાં મીટીંગમાં બેડ - ઓક્સિજન સહિતની કામગીરી કરાશે access_time 12:16 pm IST