Gujarati News

Gujarati News

News of Wednesday, 7th April 2021

કોરોનાનો કહેર ઍટલી હદે વકર્યો કે કોવિડ પ્રોટોકોલ પણ નથી જળવાતોઃ ખાનગી હોસ્પિટલને ૧.૧૧ લાખનું બિલ ચૂકવ્યુ છતાં મૃતકને ફાટેલી પીપીઇ કીટ પહેરાવાઇઃ મૃતકની આવી હાલતથી દર્દનાક સ્થિતિઃ હોસ્પિટલ સંચાલકોની બેદરકારી સામે રોષ

રાજકોટ: કોરોનાના કહેર વચ્ચે લોકો ચિંતિત છે, ત્યારે અનેક એવા દ્રશ્યો સામે આવી રહ્યા છે જે જોઈને આપણું હૈયુ હચમચી ઉઠે. આવો જ એક કિસ્સો ગુજરાતના રાજકોટ શહેરમાંથી સામે આવ્યો છે. જ્યાં એક ખાનગી હોસ્પિટલ જાણે કોવિડ પ્રોટેકોલના લીરેલીરા ઉડાડતી હોય તેમ કોરોના પોઝિટિવ દર્દીના મૃતદેહને એટલી ખરાબ સ્થિતિમાં સ્મશાન મોકલ્યો સૌ કોઈ ચોંકી ઉઠ્યા. મૃતકના પરિવારજનો સારવાર માટે 1.11 લાખ રૂપિયા ચૂકવ્યા હોવા છતાં દર્દીનો મૃતદેહ ફાટેલી PPE કિટમાં હતો અને તેના નાક અને કાનમાંથી લોહી પણ ટપકી રહ્યું હતું.

આ અંગે અમરેલી જિલ્લાના ચાંપાથળ ગામમાં રહેતા મૃતકના પુત્ર મુકેશભાઈએ જણાવ્યું કે, પિતાનો રિપોર્ટ કોરોના પોઝિટિવ આવ્યા બાદ તેમને શ્રેષ્ઠ સારવાર મળી રહે તે માટે અમે રાજકોટની ક્રાઈસ્ટ હોસ્પિટલમાં સારવાર માટે ખસેડ્યા હતા. આ માટે 1,11,000ની ફી પણ જમા કરીવી હતી. જો કે સારવારના 3 દિવસો બાદ સોમવારે તેમનું મોત નીપજ્યું હતું. હોસ્પિટલ સત્તાધીશોએ પરિવારજનોને જણાવ્યું કે, કોરોના ગાઈડલાઈન મુજબ તેમના મૃતદેહને સીધો સ્મશાનગૃહમાં મોકલવામાં આવશે. આથી તમે પણ ત્યાંજ પહોંચી જજો.

મુકેશભાઈએ વધુમાં જણાવ્યું કે, પિતાનું મોત સવારે થયું હતુ, પરંતુ બપોરે તેમનો મૃતદેહ સ્મશાન પહોંચ્યો હતો. એમ્બ્યુલન્સમાં ઉતારતા સમયે અમે જોયુ કે મૃતદેહ ફાટેલી પીપીઈ કિટમાં હતો અને નાક અને કાનમાંથી લોહી ટપકી રહ્યું હતું.

જ્યારે અમે હોસ્પિટલમાં સ્ટાફની બેદરકારીની ફરિયાદ કરી, ત્યારે ડોક્ટરે કહ્યું કે, ઑક્સિજનની નળી નીકાળ્યા બાદ લોહી વહે છે. આવું અનેક કિસ્સાઓમાં થાય છે. જો કે મૃતદેહને પીપીઈ કિટમાં પેક કર્યા પહેલા સ્ટાફે લોહી સાફ કરવું જોઈતુ હતું. જેમાં તેમણે બેદરકારી દાખવી છે.

(5:26 pm IST)
  • રાજસ્થાન બોર્ડરે વાહનોની લાંબી લાઈન : કોરોના RT-PCR ટેસ્ટના ચક્કરમાં બોર્ડર વિસ્તારમાં સંખ્યાબંધ વાહનો અટવાયા : દિલ્હી, હરિયાણા,ગુજરાત અને મધ્યપ્રદેશથી આવતા વાહનોનું સઘન ચેકીંગ : access_time 12:52 am IST

  • કોરોનાએ હદ વળોટી નાખી, સવા લાખ આસપાસ નવા કેસો પહોંચવા આવ્યા: બ્રાઝિલમાં ફરી આંકડો વધ્યો, ૮૨,૮૬૯એ પહોંચ્યો: અમેરિકામાં પણ કોરોના કેસ વધવા લાગ્યા ૫૮,૯૮૦: ૨૪ કલાકમાં કોરોના કેસ જર્મનીમાં ૯૬૦૦: રશિયામાં ૮૩૨૮: ફ્રાન્સમાં ૮૦૪૫: ઇટલીમાં ૭૭૬૭: કેનેડામાં ૪૨૩૯: ઇંગ્લેન્ડમાં આંકડો ખૂબ જ કાબૂમાં ૨૩૭૯, લોકડાઉનમાં મોટી છૂટછાટની તૈયારી: જાપાનમાં ૨૨૨૦: યુનાઇટેડ આરબ અમીરાત/દુબઈમાં થોડા કોરોના કેસ ઘટ્યા ૧૯૮૮: સાઉદી અરેબિયામાં ૭૯૨: ચીન ૨૪: હોંગકોંગ સાત અને ઓસ્ટ્રેલિયા સાત નવા કેસ નોંધાયા: દેશમાં છેલ્લા ૨૪ કલાકમાં ૬૩૦ નવા મૃત્યુ: ૫૯૮૫૬ સાજા થયા access_time 10:07 am IST

  • કાશ્મીરમાં સરકારી બિલ્ડીંગો ઉપર ત્રિરંગો લહેરાવવાના આદેશથી મહેબુબા ખફા : દેશના કોઈપણ રાજ્યમાં આવો આદેશ જારી કરાયો નથી તો પછી માત્ર જમ્મુ કાશ્મીરમાં જ કેમ ? : કેન્દ્ર સરકારને જમ્મુ કાશ્મીર પ્રત્યે અવિશ્વાસની ભાવના હોવાથી આવો આદેશ જાહેર કરવાની ફરજ પડી હોવાનું મંતવ્ય access_time 8:03 pm IST