Gujarati News

Gujarati News

News of Thursday, 26th March 2020

યુનિવર્સિટી રોડ તથા સાધુ વાસવાણી રોડ પર 'ફેશન પરેડ'માં નિકળેલાઓના 'સીન' વિખતી પોલીસ

રાજકોટઃ વિશ્વભરમાં નોવેલ કોરોના વાઇરસને વર્લ્ડહેલ્થ ઓર્ગેનાઇઝેશન દ્વારા વૈશ્વીક મહામારી જાહેર કર્યા બાદ દેશભરમાં ર૧ દિવસ સુધી લોકડાઉન કરવામાં આવ્યું છે. ત્યારે શહેર પોલીસ કમિશ્નર મનોજ અગ્રવાલે લોકોને પોતાના ઘરની બહાર ન નિકળવા અને દુકાનો, હોટલ બંધ રાખવા અને એકથી વધુ લોકોને અકઠા ન થવા માટે જાહેરનામું બહાર પાડયું હતું અને જો કોઇ લટાર મારતા કે એકઠા થયેલા જોવામાં આવશે તો તેની સામે કડક કાર્યવાહી કરવામાં આવશે અને શહેરમાં પોલીસ દ્વારા કડક પેટ્રોલીંગ હાથ ધરવામાં આવ્યું છે. તેમ છતાં યુનિવર્સિટી રોડ પર મુંજકા ગામ જવાના રસ્તા પર અને સાધુવાસવાણી રોડ પર લટાર મારતા અને ઘરની બહાર આંટા મારતા લોકોને પોલીસે પકડીને કાયદાનું ભાન કરાવ્યું હતું. (તસ્વીરઃ સંદીપ બગથરીયા)

(4:13 pm IST)
  • સતત પ્રક્રિયાવાળી ઈન્ડસ્ટ્રીઝ માટે સરકારે છૂટછાટ જાહેર કરી : કલેકટરને સત્તા આપી : કન્ટીન્યુઅસ પ્રોસેસવાળી ઈન્ડસ્ટ્રીઝ (સતત પ્રક્રિયાવાળા ઉદ્યોગો) કે જેમાં ભઠ્ઠી બંધ ન થઈ શકે તેમને છુટછાટ આપતુ જાહેરનામુ ગુજરાત સરકારે બહાર પાડેલ છે : કલમ ૮ નીચે મંજૂરી - સર્ટીફીકેટ આપવાની સત્તા જે તે કલેકટરોને આપવામાં આવી છે : જેથી આ ઉદ્યોગો બંધ ન પડે access_time 4:39 pm IST

  • ચલણી નોટોથી કોરોના વાઇરસ ફેલાવાનો કોઈ ભય નથી : નોટોની લેતી દેતી કરતા કેશિયર સેનિટાઇઝરનો ઉપયોગ કરે છે : એટીએમ માં નાણાં મુક્યા બાદ અધિકારી દ્વારા કિપેડને પણ સેનિટાઇઝ કરવામાં આવે છે : કરન્સી સાઇકલ એશોશિએશનની સ્પષ્ટતા access_time 11:54 am IST

  • માર્ચમાં યુનોની સિકયોરીટી કાઉન્સીલની બેઠક : અધ્યક્ષતા ચીન પાસે : ચીનની અવળચંડાઈ : આગામી યુનોની સિકયોરીટી કાઉન્સીલની બેઠકનું અધ્યક્ષપદ ચીન પાસે છે ત્યારે કોરોનાની ચર્ચા અંગે ચીને રીતસર અવળચંડાઈ આચરી છે. ચીનના વિદેશમંત્રીએ ગઈકાલે જ કહેલ કે કોરોના મહામારી અંગે ચીનને દોષિત ન ઠેરવો ઘણા દેશોએ કોરોના અંગે પ્રસ્તાવ મૂકયો છે પણ ચીન આ બેઠકમાં ચર્ચા કરવા દેવા નથી માંગતુ એ સ્પષ્ટ થયુ છે. access_time 1:05 pm IST