Gujarati News

Gujarati News

News of Wednesday, 25th March 2020

ખોરાણામાં ઝેરી જનાવર કરડતા ધુસાભાઇ અને મીલપરામાં કિષ્નાનુ બેભાન હાલતમાં મોત

રાજકોટ,તા.૨૫ : કુવાડવા પાસે ખોરાણા ગામમાં રહેતા પટેલ વૃધ્ધાને ઝેરી જનાવર કરડતા તેનું સારવાર દરમ્યાન મોત નિપ્જયુ હતું.

મળતી વિગત મુજબ ખોરણા ગામમાં રહેતા ધુસાભાઇ પપ્પુભાઇ ઉંઘાડ (ઉ.વ.૬૫) ગઇકાલે પોતાની વાડીએ હતા ત્યારે ઝેરી જનાવર કરડતા તેને સારવાર માટે સણોસરા બાદ રાજકોટ સિવિલ હોસ્પિટલમાં ખસેડાયા હતા ત્યાં તેનું સારવાર દરમ્યાન મોત નિપજ્યુ હતું. આ બનાવ અંગે કુવાડવા રોડ પોલસી મથકના એએસઆઇ ફતેહસિંહ સોલંકીએ કાર્યવાહી કરી હતી.

જ્યારે બીજા બનાવમાં મીલપરા શેરીનં. ૫માં રહેતી કિષ્ના નરેશભાઇ ચૌહણ (ઉ.વ.૧૫) ગઇકાલે પોતાના ઘરે હતા ત્યારે તે અચાનક બેભાન થઇ જતા તેને બેભાન હાલતમાં સારવાર માટે સિવિલ હોસ્પિટલમાં ખસેડાઇ હતી ત્યાં તેનું સારવાર દરમ્યાન મોત નિપજ્યુ હતું. આ અંગે ભકિતનગર પોલીસ મથકના પીએસઆઇ એ.વી. પીપરોતરે તપાસ હાથધરી છે.

બેભાન થઇ જતા કિશોરભાઇ નું મોત

કોટડા સાંગાણીના અરોડાઇ ગામમાં રહેતા કિશોરભાઇ દેવરાજભાઇ ગજેરા (ઉ.વ.૫૦) રાત્રે પોતાના ઘરે હતા ત્યારે એકાએક બેભાન થઇ જતા તેને સારવાર માટે રાજકોટ સિવિલ હોસ્પિટલમાં ખસેડવા હતી ત્યાં તેનું સારવાર દરમ્યાન મોત નિપજ્યુ હતું. આ અંગે કોટડા સાંગાણી પોલીસ તપાસ આદરી છે.

(3:26 pm IST)
  • મધ્યપ્રદેશમાં કોરોનાને કારણે પ્રથમ મોત:મધ્યપ્રદેશમાં કોરોનાને કારણે એક મહિલાનું મોત નિપજ્યું: જમ્મૂ કશ્મીરમાં કોરોનાના 4 પોઝિટીવ કેસ જોવા મળ્યા હતા access_time 12:26 am IST

  • લોકોને દવાની ફ્રી હોમ ડિલિવરી માટે રાજકોટ કુરિયર એસોસિએશન તૈયાર સેવા આપશે: ઉદીત અગ્રવાલ આજે રાજકોટ મહાનગરપાલિકા ના કમિશનર ઉદિત અગ્રવાલે રાજકોટ કુરિયર એસોસિએશન ના હોદેદારો અને સભ્યો સાથે એક બેઠક કરી હતી જેમાં કોરોના ની વર્તમાન સ્થિતિ અનુસંધાને કમિશનરશ્રીએ કરેલી અપીલ ને એસોસિએશન દ્વારા ઉમળકા ભેર સહયોગ આપવામા આવેલ. જે અનુસંધાને નાગરિકોને દવાની ફ્રી ફોમ ડિલિવરી મળી રહેશે. આ અંગેની વ્યવસ્થા ગોઠવાઈ રહી છે. વિશેષ વિગતો ટુક સમયમાં જાહેર કરવામાં આવશે. access_time 5:34 pm IST

  • આજ બુધવારે ચૈત્રી નોરતાના પ્રથમ દિવસે અયોધ્યામાં બિરાજમાન રામલલ્લા ટેન્ટમાંથી બહાર આવ્યા : 28 વર્ષ બાદ નવા કામચલાઉ મંદિરમાં પ્રસ્થાપિત કરાયા access_time 12:15 pm IST