Gujarati News

Gujarati News

News of Wednesday, 25th March 2020

ડીસ્ટન્સ રાખવાની ઐસી કી તૈસી કરી...લોકડાઉન જાહેર થતા જ લોકો અનાજ-કરીયાણુ-દવાઓ ખરીદવા પહોંચ્યા

વડાપ્રધાન નરેન્દ્રભાઈ મોદીએ ગઈકાલે રાત્રે સમગ્ર દેશમાં લોકડાઉન જાહેર કર્યા બાદ લોકોમાં ધ્રાસ્કો પડી ગયો હતો અને ૨૧ દિવસ કોઈ વસ્તુ નહિ મળે તેવી દહેશતને પગલે લોકો જીવન જરૂરી ચીજવસ્તુઓ ખરીદવા દોડધામ કરતા જોવા મળ્યા હતા. સરકારે એકબીજાથી ડીસ્ટન્સ રાખવા અને ભીડથી દૂર રહેવા સૂચના આપી હોવા છતા ડરના માર્યા લોકો ખરીદી માટે ઉમટી પડયા હતા. તસ્વીરમાં એક અનાજની કરીયાણાની દુકાન પર અનાજ ખરીદવા લાગેલી લાઈન તથા સાર્વજનિક મેડીકલ સ્ટોર સુવિધામાં લોકો દવા ખરીદવા ઉમટી પડયા હતા તે દેખાય છે. સરકારે કહ્યુ છે કે કોઈ ચીજવસ્તુની અછત નહિ થાય છતા લોકો દહેશતના માર્યા રાત્રે જ દોડધામ કરતા નજરે પડયા હતા. (તસ્વીરઃ અશોક બગથરીયા)

(10:53 am IST)
  • ગુજરાતના મુખ્યમંત્રી વિજયભાઈનો પ્રજાજોગ સંદેશ : 21 દિવસના લોકડાઉનનો ચુસ્તપણે અમલ કરજો : ખાસ કામ સિવાય ઘરની બહાર નીકળશો નહીં : દૂધ, દવા, શાકભાજી, અનાજ કરીયાણું, સહિતની ચીજ વસ્તુઓનો પૂરતો સ્ટોક છે : જે પ્રજાને મળી રહે તેવું નેટવર્ક ગોઠવાઈ ગયું છે : વડાપ્રધાન શ્રી નરેન્દ્રભાઈની અપીલને માન આપજો : ચીજ વસ્તુઓનો બિનજરૂરી સંગ્રહ કરશો નહીં : ગુજરાત સરકાર દ્વારા લોકોને પૂરતો સહયોગ મળતો રહેશે : પ્રજાને મુખ્યમંત્રીની ધરપત access_time 11:07 am IST

  • રાજકોટમાં વાદળછાયુ વાતાવરણઃ વેસ્ટર્ન ડિસ્ટર્બન્સની અસરના ભાગરૂપે રાજકોટ સહિત સૌરાષ્ટ્રના અનેક સેન્ટરોમાં આજથી વાતાવરણમાં પલ્ટો આવ્યો છે : આજથી શુક્રવાર સુધી કોઈ - કોઈ સ્થળોએ માવઠાની સંભાવના છે access_time 11:54 am IST

  • સોશિયલ મીડિયા પર આવતા ફેક કૉલ્સથી સતર્ક રહો access_time 11:48 pm IST