Gujarati News

રાજકોટ તા. ૧૪ :.. ભાવનગર રોડ પર ખોડીયાર હોટલ પાસે બસે બાઇકને ઠોકર મારતા ત્રંબાના વૃધ્ધનું સારવાર દરમ્યાન મોત નિપજયુ હતું.

મળતી વિગત મુજબ ત્રંબા ગામે રહેતા વશરામભાઇ પરબતભાઇ ટીંબડીયા (ઉ.પ૮) પોતાનું મોટર સાયકલ લઇને જતા હતા ત્યારે ભાવનગર રોડ પર ખોડીયાર હોટલ પાસે બસના ચાલકે બાઇકને ઠોકર  મારતા વૃધ્ધ વશરામભાઇ ફંગોળાઇ ગયા હતાં.

બનાવ બનતા આસપાસના લોકો એકઠા થઇ ગયા હતાં. અને વૃધ્ધને સારવાર માટે ગીરીરાજ હોસ્પિટલમાં ખસેડાયા હતાં. ત્યાં તેનું સારવાર દરમ્યાન મોત નિપજયુ હતું. આ બનાવની જાણ થતા આજી ડેમ પોલીસે કાર્યવાહી કરી હતી.