Gujarati News

Gujarati News

News of Wednesday, 14th August 2019

જન્માષ્ટમીના તહેવારોમાં એસ.ટી. દ્વારા વધુ ૧૦૦ બસ દોડાવાશે

સોમનાથ-કચ્છ અને અમદાવાદનાં રૂટ ઉપર સર્વે કરી વધારાની બસ મુકવા આદેશો

રાજકોટ, તા. ૧૩ :  આગામી જન્માષ્ટમી તહેવારો અને હાલના શ્રાવણ માસને ધ્યાને લઇ રાજકોટ એસટી વિભાગે સંચાલન હેઠળના તમામ ડેપો મેનેજરોની મીટીંગ બોલાવીને ટ્રાફિકના પ્રમાણમાં વધારાના એકસ્ટ્રા રૂટ ચાલુ કરવા જણાવ્યું છે. જે અન્વયે ટ્રાફિક વાળા સોમનાથ, અમાવાદ અને કચ્છ તરફના રૂટો વધારવામાં આવશે.

એસટી સુત્રોના જણાવ્યા મુજબ દરેક ડેપોને શ્રાવણ માસ અને જન્માષ્ટમી લોકમેળા નિમિત્તે વધારાના પ-પ રૂટો ચલાવવા સુચના અપાઇ છે. રાજકોટ અને ગોંડલ ડેપો સોમનાથ, જુનાગઢ, અમદાવાદના વધારાના રૂટો દોડાવશે. દરેક ડેપોને ચાર ચાર વધારાનાં બસ વાહનો ફાળવવામાં આવ્યા છે. રાજકોટ ડીવીઝનમાં ચોટીલા, ધ્રાંગધ્રા, ગોંડલ, જસદણ, લીમડી, મોરબી અને રાજકોટ તેમજ વોલ્વો ડેપો, સુરેન્દ્રનગર, વાંકાનેર ડેપો આવે છે. આમ બધા ડેપો મળીને કુલ ૪૦ વાહનો ફાળવવામાં આવશે. અને બસ સ્ટેશનમાં આ ઓનલાઇનના ટ્રાફિકનો સર્વે કરાવી મેળારૂટ અને યાત્રાધામના રૂટો શરૂ કરાશે.

(3:49 pm IST)
  • અરબી સમુદ્રમાં ૪ બોટો ડૂબી ગઈ : અન્ય ૨ બોટનો પત્તો નથી કોસ્ટગાર્ડે ૧૪ બોટો સહિત ૬૩ માછીમારોને બચાવી લીધાઃ તાજેતરના વરસાદી તાંડવ અને સમુદ્રના તોફાની પવનોના પગલે અરબી સમુદ્રમાં ૪ બોટો ડૂબી જતા ૬ માછીમારોના મોત થયા છે. જયારે અન્ય ૨ બોો લાપતા હોય ૯ માછીમારો અંગે ભારે ચિંતા સેવાઈ રહી છે. દરમિયાન ભારતીય કોસ્ટગાર્ડે ૧૪ બોટો સહિત ૬૩ માછીમારોને બચાવી લીધા છે access_time 11:24 am IST

  • મહિલાઓ મેકઅપ પાછળ ૮૬ લાખ વાપરી નાંખે છે : ૫૭% તો બહારજ નથી નિકળતી :દર વર્ષમાં એક પુખ્ત વયની મહિલા ૨૦૦૦ પાઉંડ તેમજ સપ્તાહમાં ૪૦ પાઉન્ડનો ખર્ચ કરે છે access_time 3:30 pm IST

  • રાજકોટ મ્યુ.કોર્પોરેશનનાં જનરલ બોર્ડનો પ્રારંભઃ પ્રિ-મોન્સુન કામગીરી પ્રશ્ને તડાપીટ: ભાજપના ૧૪ અને કોંગ્રેસના ૧૩ કોર્પોરેટરો દ્વારા કુલ ૬૩ પ્રશ્નો રજૂઃ પ્રથમ ભાજપનાં મનીષ રાડીયાનાં પ્રશ્નથી ચર્ચા શરૂ: મવડી બ્રિજ, સાધુ વાસવાણી રોડની લાયબ્રેરીનાં નામકરણ સહિતની ૮ દરખાસ્તો અંગે નિર્ણય access_time 11:21 am IST