Gujarati News

Gujarati News

News of Tuesday, 13th August 2019

મહિલા કાનુની જાગૃતી દિવસ અંતર્ગત મહિલા પોલીસ દ્વારા સેમીનાર યોજાયો

રાજકોટઃ સુરક્ષા સેતુ સોસાયટી અંતર્ગત મહીલા પોલીસ દ્વારા શ્રીમતી સરોજીની નાયડુ  કન્યા વિદ્યાલય ખાતે ધોરણ-૯ અને ૧ર ની વિદ્યાર્થીનીઓ માટે કાનુની જાગૃતી સેમીનાર યોજાયો હતો. સેમીનારમાં શ્રીમતી સરોજીની નાયડુ કન્યા વિદ્યાલયની ર૦૦ તથા મહારાણી લક્ષ્મીબાઇ કન્યા વિદ્યાલયની ૧૬૦ મળી ૩૬૦ વિદ્યાર્થીનીઓને એડવોકેટ જાગૃતીબેન દવે દ્વારા મહિલાઓને કાયદા વિષે માર્ગદર્શન આપવામાં આવ્યું હતું. તેમજ ૧૮૧ અભયમ હેલ્પ લાઇનના કાઉન્સેલર કોમલબેન પરમારે અભયમ હેલ્પ લાઇનની કામગીરી બાબતે તથા મહિલા પોલીસ મથકના પીઆઇ એસ.આર.પટેલે પોલીસ સ્ટેશનમાં થતી કામગીરી અંગે અને તા.૮-૮ અને ૯-૮ના રોજ બંન્ને સ્કુલમાં સેલ્ફ ડીફેન્સ (કરાટે) ની તાલીમ રૂપેશભાઇ વાઘેલા દ્વારા આપવામાં આવી હતી. તેમજ પ્રતિભાશાળી વિદ્યાથીર્નીઓનું કરાટે માસ્ટર શીલ્ડ આપી સન્માન કરવામાં આવ્યું હતું. આ કાર્યક્રમમાં માધ્યમીક શિક્ષણ સમીતીના ચેરમેન અંજનાબેન મોરઝરીયા ઉપસ્થિત રહયા હતા.

(4:11 pm IST)
  • HDFC બેન્કના MDની બેઝિક સેલરી રૂ. ૮૯ લાખ : એકિસસ બેન્કના સીઇઓ રૂ. ૩૦ લાખની મંથલી બેઝિક સેલરી સાથે બીજા સ્થાને access_time 4:07 pm IST

  • અલગાવવાદી નેતાઓને ૧ વર્ષ સુધી 'અંદર' રહેવું પડે તેવી શકયતાઃ નવી દિલ્હીઃ જમ્મુ-કાશ્મીરમાંથી ધરપકડ પામેલા અલગાવવાદી નેતાઓ વહેલી તકે છુટે તેવી શકયતા નથીઃ સંબંધિત અધિકારીઓનું માનીએ તો આ બધાને ૧ વર્ષ અંદર રહેવું પડશેઃ તંત્રએ છેલ્લા ૮ દિવસમાં ૭૦૦ લોકોની ધરપકડ કરી છે જેમાથી ૧૫૦ને દેશની વિવિધ જેલોમાં મોકલી દેવાયા છે જેમની ધરપકડ થઈ છે તેમાં ઉમર અબ્દુલ્લા, મહેબુબા મુફતી પણ સામેલ છેઃ જો કે મહેબુબાને હરિનિવાસ અને ઉમરને વન વિભાગના ગેસ્ટ હાઉસમાં રખાયા છે access_time 11:25 am IST

  • વડોદરા જવાનો માર્ગ ખુલી ગયો : સૌરાષ્ટ્રના વડોદરા જતા પ્રવાસીઓ માટે બગોદરાથી વટામણ ચોકડી તારાપુર ચોકડી થઇને જતો રસ્તો આજે ખુલી ગયો છે. સાબરમતી પુલ પરથી તારાપુર તરફ જવાય છે. જો કે આ રસ્તો આગળ ખરાબ હોવાનું અને બગોદરાથી થોડે આગળ ખેડા તરફના રસ્તે વડોદરા જવુ વધુ સુગમતા ભર્યું હોવાનું જાણકારો કહે છે. access_time 3:40 pm IST