Gujarati News

Gujarati News

News of Tuesday, 13th August 2019

વસંતભાઈનો ખોવાયેલો કિંમતી ફોન મળી ગયોઃ ટ્રાફિક શાખાના જવાનોની પ્રામાણિકતા

રાજકોટઃ કાગદડીના પૂર્વ સરપંચ સ્વામિનારાયણ સંપ્રદાયના જાણીતા હરિભકત શ્રી વસંતભાઈ લીંબાસિયાને ખોવાયેલો અત્યંત કિંમતી મોબાઈલ ફોન પરત મેળવવામાં ટ્રાફિક પોલીસ શાખાના ફરજ પરના જવાનોની નિષ્ઠા અને પ્રામાણિકતાનો સુખદ અનુભવ થયો છે. વસંતભાઈએ જણાવ્યા મુજબ પોતે પોતાના કુટુંબીજનો ગોરધનભાઈ અને કુરજીભાઈ સાથે બહાર જઈ રહ્યા હતા. ભૂલથી ગાડી પર રહી ગયેલો એન્ડરોઈડ મોબાઈલ ફોન કાલાવડ રોડ પર જડુસ હોટલવાળા ચોકમાં પડી ગયેલ. ફોન પડી ગયાની લાંબા સમય પછી જાણ થતા અમે અમારા નંબર પર ફોન કરેલ. તે વખતે ત્યાંના ફરજ પરના ટ્રાફિક શાખાના કર્મચારીએ ફોન પોતાને મળ્યાનું જણાવી રૂબરૂ બોલાવેલ. કોન્સ્ટેબલ વિપુલ ખાંભરા તથા ટ્રાફિક વોર્ડન મુદિત વેકરિયા અને મનોજ સોલંકીએ ખરાઈ કરીને નિસ્વાર્થ ભાવે ફોન પરત કર્યો હતો. ત્રણેયની પ્રામાણિકતા અભિનંદનને પાત્ર અને શહેર પોલીસ તંત્રનું ગૌરવ વધારનારી છે.

(3:39 pm IST)
  • પાલઘરમાં ધરતીકંપઃ મુંબઇઃ મહારાષ્ટ્રના પાલઘરમાં આજે વ્હેલી સવારે ૩.૨ નો હળવો ભૂકંપનો ઝાટકો આવ્યો છે access_time 11:25 am IST

  • સિક્કીમ ડેમોક્રેટિક ફ્રંટના ૧૦ વિધાયક બીજેપીમાં સામેલ : સિક્કીમનો મુખ્ય પક્ષ એસડીએફના ૧૦ વિધાયક આજે નવી દિલ્હીમાં બીજેપીમાં સામેલ થયાઃ પૂર્વ સીએમ પવનકુમાર ચામલિંગ સહિત ૪ અન્ય વિધાયકોને છોડીને બાકી રહેલા વિધાયકો બીજેપીમાં સામેલ થયાઃ સિક્કીમમાં હજુ સુધી ખાતુ નહિ ખોલી શકેલી બીજેપીના પાલામાં ૧૦ વિધાયકો થઈ ગયા access_time 4:07 pm IST

  • કૃષ્ણ -અર્જુન વાળા રજનીકાંતના નિવેદનથી તામિલનાડુ કોંગ્રેસને આંચકો ;કહ્યું ફરીથી વાંચે મહાભારત : તામિલનાડુ કોંગ્રેસ કમિટીના અધ્યક્ષ કે,એસ,અલ્લગીરીએ કહ્યું કે રજનીકાંતની આવી પ્રતિક્રિયાથી આશા નહોતી આ પ્રકારના નિવેદનથી હેરાન થયા છું ;સાઉથના સુપર સ્ટાર અને રાજનીતિમાં પ્રવેશેલા રજનીકાંતે કાશ્મીરમાં આર્ટિકલ 370 હટાવતા પીએમ મોદીને કૃષ્ણ અને ગૃહમંત્રી અમિતભાઇ શાહની તુલના અર્જુન સાથે કરી હતી access_time 12:56 am IST