Gujarati News

રાજકોટઃ. શહેરના વોર્ડ નં. ૧૭માં આવેલ ન્યુ રામેશ્વર સોસાયટીમાં છેલ્લા એક મહિનાથી ભૂગર્ભ ગટરની ગંદકી જાહેર રોડ પર છલકાઈ રહી છે. આ બાબતે લતાવાસીઓએ અનેક ફરીયાદો કરવા છતા તેનો કોઈ ઉકેલ આવ્યો નથી કેમ કે ભૂગર્ભ ગટરની ફરીયાદ કરવા જનારને અધિકારીઓ 'આ અમારા વોર્ડમાં ન આવે' તેવા ઉડાઉ જવાબો આપી અને ખો આપી રહ્યા છે જ્યારે બીજી ત રફ ભૂગર્ભ ગટરની ગંદકીને કારણે પીવાના પાણી સાથે ગંદુ પાણી ભળી જવાની ફરીયાદો પણ ઉઠી છે, ત્યારે આ વિસ્તારમાં રોગચાળાનો ભય ઉભો થયો છે. આથી વહેલી તકે આ વિસ્તારની ભૂગર્ભ ગટર સફાઈની સમસ્યા ઉકેલવામાં આવે તેવી ઉગ્ર લોકમાંગ ઉઠવા પામી છે. તસ્વીરમાં ભૂગર્ભ ગટરનું ગંદુ પાણી જાહેર રોડ પર છલકાઈ રહેલુ નજરે પડે છે.