Gujarati News

Gujarati News

News of Wednesday, 15th May 2019

ચાર વોર્ડમાં પાણીના ધાંધીયાઃ દેકારો

પુનિતનગરના ટાંકાનું લેવલ ઘટતા વોર્ડ નં. ૮-૧૦-૧૧-૧રના વિવિધ વિસ્તારોમાં ર થી ૪ કલાક મોડુ પાણી વિતરણ

રાજકોટ, તા., ૧૫: શહેરમાં ઉનાળાનો આકરો તાપ પડી રહયો છે. ત્યારે પાણીની જરૂરીયાત વધે છે. આ સંજોગોમાં આજે વોર્ડ નં. ૮,૧૦,૧૧, ૧રના વિવિધ વિસ્તારોમાં ર થી ૩ કલાક મોડુ પાણી વિતરણ થતા લોકોમાં દેકારો બોલી ગયો હતો.

આ અંગેની પ્રાપ્ત માહીતી મુજબ પુનીતનગર વિસ્તારમાં આવેલા પાણીના ટાંકાનું લેવલ ઘટતા વોર્ડ નં. ૮, ૧૦,૧૧, ૧રનાં જલજીત સોસાયટી, દ્વારકાધીશ, સાંઇધામ, વૃંદાવન, અક્ષરધામ, કડીયાનગર સહીતની ૪૦ થી વધુ સોસાયટમાં ર થી ૩ કલાક પાણી વિતરણ મોડુ કરવામાં આવ્યું હતું. આ વિસ્તારમાં પાણી મોડું થતા ગૃહીણીઓમાં દેકારો બોલી ગયો હતો. તેમજ ઓછા ફોર્સથી પાણી વિતરણની ફરીયાદો ઉઠવા પામી હતી.

આ અંગે મ્યુનીસીપલ કોર્પોરેશનના જવાબદાર અધિકારીના જણાવ્યા મુજબ પુનીતનગર વિસ્તારના ટાંકામાંથી ઉપરોકત વોર્ડમાં કેટલાક વિસ્તારોમાં પાણી વિતરણ કરવામાં આવે છે. પરંતુ આજે સવારે એકાએક ૧ પંમ્પ બંધ પડી જતા પાણીનું લેવલ ડાઉન થતા ચાર વોર્ડનાં કેટલાક વિસ્તારોમાં નિયમીત સમય કરતા ર થી ૩ કલાક મોડુ પાણી વિતરણ થયું હતું.

(3:54 pm IST)
  • મમતા બેનર્જીએ કહ્યું ભગવા પહેરેલ ગુંડાઓએ જે હિંસા કરી એ બાબરી મસ્જિદ તોડી પાડવા જેવી હતી :અમિતભાઇ શાહના રોડ શો દરમિયાન હિંસા બાદ ચૂંટણી આયોગે કરેલ કાર્યવાહી અંગે મમતાએ કહ્યું કે ભાજપના ઈશારે ચૂંટણી આયોગે નિર્ણંય કર્યો :આ નિર્ણંય ચૂંટણી અયોગનો નહીં પરંતુ મોદી અને શાહે લીધો ;ચૂંટણી અયોગનો નિર્ણંય ગેરબંધારણીય છે access_time 1:23 am IST

  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST

  • કોલકતામાં અમિતભાઈ વિરૂધ્ધ ૨ ફરિયાદ : અમિતભાઈ વિરૂધ્ધ કોલકત્તામાં બે ફરીયાદ નોંધાઈઃ વિદ્યાસાગર કોલેજના ટીએમસી છાત્ર સંગઠનની રાવ બાદ જોડાસાંકો અને અર્મહર્સ્ટ સ્ટ્રીટ પોલીસ સ્ટેશનમાં એફઆરઆઈ દાખલઃ ગઈકાલે રોડ- શો દરમિયાન વિદ્યાનગર કોલેજમાં ઈશ્વરચંદ્ર વિદ્યાસાગરની મૂર્તિ તોડી પડાયેલઃ ટીએમસીએ ચુંટણી પંચ પાસે પણ સમય માંગ્યો છે access_time 1:15 pm IST