Gujarati News

Gujarati News

News of Wednesday, 15th May 2019

છેલ્લા બે મહિનામાં ૪પ૮ મકાન ધારકો પાણી ચોરીમાં ઝડપાયાઃ પ લાખનો દંડ

મ્યુ. કોર્પોરેશન દ્વારા ૩૪ હજાર મકાનોમાં પાણી ચોરી અટકાવવા ચેકીંગ કરાયુ

રાજકોટ, તા. ૧પ :  શહેરમાં પાણી ચોરીની પ્રવૃત્તિ અટકાવવા મ્યુ. કોર્પોેરેશન દ્વારા ગેરકાયદેસર નળ કનેકશન અને ડાયરેકટ પમ્પીંગનાં કિસ્સાઓની તપાસ ઉપરાંત પાણીનો બગાડ કરતા આસામીઓ સામે પણ પગલા લેવામાં આવી રહ્યા છે. છેલ્લા બે મહિનામાં ૪પ૮, પાણી ચોરીમાં પકડાયા હતા.  તેઓને તા. ૪.૮૩ લાખનો દંડ વસ્તુ કર્યો છે. આ અંગે મ્યુ. કોર્પોરેશનની સતાવાર યાદીમાં જણાવ્યા મુજબ તા. ૧૩ માર્ચથી તા. ૧૩ મે દરમિયાન રાજકોટ મહાનગરપાલિકાની ટીમો દ્વારા શહેરમાં હાથ ધરાયેલા ચેકિંગ દરમ્યાન ડાયરેકટ પમ્પીંગના ૩૭૭ કિસ્સા અને ૮૧ ભૂતિયા નળ જોડાણ ઝડપાયા હતા. ડાયરેકટ પમ્પીંગ અને ભૂતિયા નળ જોડાણ ઉપરાંત પાણીનો બગાડ કરનારા લોકો પાસેથી કુલ મળીને રૂ. ૪,૮૩,રપ૦/- નો દંડ વસુલ કરાયો હતો.

દરમિયાન શહેરના ત્રણેય ઝોનમાં કુલ ૩૪૬૦૩ મકાનોમાં ચેકીંગ કરાયું હતું. આ દરમ્યાન ડાયરેકટ પમ્પીંગના ૧૯૭ કિસ્સાઓમાં ઇલેકટ્રીક મોટર જપ્ત કરી સંબંધિત આસામીઓને નોટીસ ઇસ્યુ કરવામાં આવી હતી. ભૂતિયા નળ જોડાણ કાપી નાંખવામાં આવ્યા હતા. જયારે ડાયરેકટ પમ્પીંગના કિસ્સાઓમાં પ્રત્યેક આસામી પાસેથી બબ્બે હજાર રૂપિયાનો દંડ વસુલ કરવામાં આવ્યો હતો. અને પાણીનો બગાડ કરતા આસામીઓ પાસેથી રૂ. રપ૦/- નો દંડ વસુલ કરાવમાં આવ્યો હતો.

(3:51 pm IST)
  • કોલકતામાં અમિતભાઈ વિરૂધ્ધ ૨ ફરિયાદ : અમિતભાઈ વિરૂધ્ધ કોલકત્તામાં બે ફરીયાદ નોંધાઈઃ વિદ્યાસાગર કોલેજના ટીએમસી છાત્ર સંગઠનની રાવ બાદ જોડાસાંકો અને અર્મહર્સ્ટ સ્ટ્રીટ પોલીસ સ્ટેશનમાં એફઆરઆઈ દાખલઃ ગઈકાલે રોડ- શો દરમિયાન વિદ્યાનગર કોલેજમાં ઈશ્વરચંદ્ર વિદ્યાસાગરની મૂર્તિ તોડી પડાયેલઃ ટીએમસીએ ચુંટણી પંચ પાસે પણ સમય માંગ્યો છે access_time 1:15 pm IST

  • જમ્મુ કાશ્મીરના પૂંછ સેક્ટરમાં એલઓસી નજીક બ્લાસ્ટ ;એક આર્મી જવાન ઘાયલ access_time 1:22 am IST

  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST