Gujarati News

Gujarati News

News of Thursday, 14th March 2019

શિવનગરમાં પ્રભાતસિંહ જાડેજાના બંધ મકાનમાં ૭૩ હજારની ચોરી

ક્ષત્રિય વૃધ્ધના નાનાભાઇનું અવસાન થતાં તેઓ પરિવારજનો સાથે વીરપરડા ગામે રોકાયા હતાં અને પાછળથી રેઢા મકાનમાં તસ્કરો પગલા પાડી ગયા

રાજકોટ તા. ૧૪: ગોંડલ રોડ રાજર્ષી બજાજના શો રૂમ પાછળ વિરલ સોસાયટી પાછળ શિવનગર-૧૧માં રહેતાં અને ગોંડલ રોડ પર નક્ષત્ર કોમ્પલેક્ષમાં એટીએસ સિકયુરીટીમાં ગાર્ડ તરીકે નોકરી કરતાં પ્રભાતસિંહ અણદુભા જાડેજા (ઉ.૬૩)ના  બંધ મકાનના તાળા તોડી તસ્કરો રૂ. ૭૩,૫૦૦ની મત્તા ચોરી જતાં માલવીયાનગર પોલીસે તપાસ હાથ ધરી છે.

પ્રભાતસિંહ જાડેજાએ માલવીયાનગર પોલીસને જણાવ્યું હતું કે તેમના નાના ભાઇ ઘનશ્યામસિંહ અણદુભા જાડેજા (ઉ.૫૬) કે જે મોરબીના વિરપરડા ગામે રહે છે ત્યાં તેમનું તા. ૪/૬/૧૩ના રોજ અવસાન થઇ જતાં પોતે તથા પરિવારના સભ્યો વિરપરડા ગયા હતાં અને ત્યાં જ રોકાયા હતાં. પાછળથી તેમના રેઢા ઘરનું ધ્યાન ગીતાનગર-૬માં રહેતાં દિકરી વૈશાલીબા યુવરાજસિંહ ચુડાસમા  અને જમાઇ યુવરાજસિંહ રાખતાં હતાં. એ પછી ૧૧મીએ દિકરી-જમાઇ પણ પાણીઢોળ વિધીમાં વિરપરડા ગયા હતાં. ત્યાંથી એ દિવસે સાંજે જ બંને પરત રાજકોટ આવવા નીકળ્યા હતાં અને સીધા પોતાના ગીતાનગરના ઘરે ગયા હતાં.

બારમી તારીખે યુવરાજસિંહ સસરાના શિવનગરના ઘરે પહોંચ્યા ત્યારે ઘરમાં ચોરી થયાની ખબર પડી હતી. જેથી તેમણે સસરાને ફોનથી જાણ કરી હતી. તેઓએ આવીને તપાસ કરતાં ઘરમાંથી તસ્કરો કબાટ-તિજોરી તોડી રૂ. ૧૧ હજાર રોકડા તથા સોનાના દાગીના મળી કુલ રૂ. ૭૩,૫૦૦ની મત્તા ચોરી ગયાની ખબર પડી હતી. પીએસઆઇ જે. કે. પાંડાવદરાએ ગુનો નોંધી તપાસ શરૂ કરી છે.

(3:32 pm IST)
  • જામનગર : મનરેગામાં ભ્રષ્ટાચાર કરનાર ૩ કર્મચારીઓને ફરજ મોકૂફ કરાયા : જામનગર જિલ્લાના જોડિયાના બોડકા ગામે તળાવ ઉંડુ ઉતારવાના મનરેગાના કામમાં આચરાયો ભ્રષ્ટાચાર : મેટ તેમજ આશાવર્કર અને આંગણવાડી હેલ્પર સહિત ૩ ને ફરજ મોકૂફ કરાયા : એક પુરુષ અને બે મહિલા કર્મચારીઓને ફરજમોકૂફ કરતાં ડીડીઓ : મનરેગાની કામગીરીમાં ખોટી હાજરી પુરી રુ.૫૯,૫૨૪ રકમની ગેરરિતી આચરી કરાઈ હતી ઉચાપત : ભ્રષ્ટાચાર આચરતા કર્મચારીઓ સામે જિલ્લા વિકાસ અધિકારીની કડક કાર્યવાહી access_time 6:01 pm IST

  • શીલા દીક્ષિતે કહ્યું મારી ટિપ્પણીને તોડીમરોડીને રજુ કરાઈ :દિલ્હીના પૂર્વ મુખ્યમંત્રી શીલા દીક્ષિતે આતંકી અંગે મનમોહનસિંહ અને મોદીની તુલના કરતુ નિવેદન આપ્યું હતું :શીલા દીક્ષિતે કહ્યું કે હું જોઈ રહી છું કે મીડિયાનો એક હિસ્સો ઇન્ટરવ્યૂમાં કરાયેલ મારી ટિપ્પણી તોડી મરોડીને રજુ કરાઈ રહી છે access_time 1:29 am IST

  • ખીરસરા જીઆઇડીસીએ ૧પ૦થી વધુ વેપારીઓની અરજીઓ નહીં સ્‍વીકારતા પ્રચંડ રોષઃ અરજીના રૂપિયા ૧રપ૦ પાછા દેવાની પણ ના : જીઆઇડીસી ખાતે વેપારીઓના ટોળા access_time 4:20 pm IST