Gujarati News

Gujarati News

News of Saturday, 12th January 2019

ગોકુલનગર પાસેથી છકડો ચોરી કરી દોઢ વર્ષથી ફેરવતા ધર્મેશ અને કૃપાલ પકડાયા

રાજકોટ તા.૧૨: ગોકુલનગર મેઇન રોડ પરથી માલવીયાનગર પોલીસે બાતમીના આધારે ચોરાઉ છકડો રીક્ષા સાથે બે શખ્સોને પકડી લીધા છે.

મળતી વિગતો મુજબ પોલીસ કમિશ્નર મનોજ અગ્રવાલ તથા જોઇન્ટ કમિશ્નર સિદ્ધાર્થ ખત્રીની સૂચનાથી માલવીયાનગર પોલીસ મથકના પીઆઇ એન.એન. ચુડાસમાંનાં માર્ગદર્શન હેઠળ પીએસઆઇ યુ.બી. જોગરાણા, હેડ કોન્સ. રાહીદભાઇ સમા, ભાવેશભાઇ ગઢવી, હરપાલસિંહ, તથા અરૂણભાઇ ચાવડા સહિત પેટ્રોલીંગમાં હતા ત્યારે પીએસઆઇ યુ.બી. જોગરાણાને મળેલી બાતમીના આધારે ગોકુલનગર મેઇન રોડ પરથી જી.જે. ૩ બી.યુ. ૧૯૮૩ નંબરના ચોરાઉ છકડો રીક્ષા સાથે નવલનગર શેરીનં. ૩નો ધર્મેશ ઉર્ફે ધમો રાજુભાઇ સોલંકી (ઉ.વ.૨૫) અને જનકપુરી આશ્રમ પાસે રહેતો કૃપાલ ઉર્ફે ગોપાલ નારણદાસ પુણ્યવૈરાગી (ઉ.વ.૨૪) ને પકડી લીધા હતા. બંનેએ છકડો ત્રણ વર્ષ પહેલા માલવીયાનગર વિસ્તારમાંથી ચોર્યાની કબુલાત આપી હતી.

 

(4:04 pm IST)
  • અમદાવાદની કામેશ્વર સ્કુલની મનમાનીઃ ફી ન ભરાતા ૩૬૫ બાળકોને બહાર બેસાડયાઃ વિદ્યાર્થીઓ અને વાલીઓનો આક્ષેપઃ નોટીસ બોર્ડ પર પણ અપાઇ સુચનાઃ ફી ભરવાની જાણ નથી કરાઇ access_time 4:04 pm IST

  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST

  • હવે છત્તિસગઢે પણ સીબીઆઈને તપાસ માટે આપેલી સામાન્ય સહમતી પાછી ખેંચી : આ પહેલા પશ્ચિમ બંગાળ અને આંધ્રપ્રદેશ સરકારોએ પોતાને ત્યાં તપાસ કરવા અને દરોડો પાડવા માટે સીબીઆઈને આપયેલ સામાન્ય સહમતી ગત વર્ષે પાછી ખેંચી લીધી હતી access_time 1:09 am IST