Gujarati News

Gujarati News

News of Thursday, 8th November 2018

લોહાનગરમાં ઘર પાસે મોટા અવાજવાળા ફટાકડા ફોડવા મામલે ડખ્ખોઃ દેવીપૂજકના ટોળાનો કોળી પ્રોૈઢ અને પડોશીઓ પર હુમલોઃ ઘરમાં તોડફોડ

એ-ડિવીઝન પોલીસે મામલો થાળે પાડ્યોઃ રાયોટીંગનો ગુનો નોંધાયો

રાજકોટઃ લોહાનગરમાં દિવાળીની રાત્રે ઘર પાસે ફટાકડા ફોડવા બાબતે કોળી પરિવાર પર દેવીપૂજક શખ્સોના ટોળાએ સશસ્ત્ર હુમલો કરી તેમજ પથ્થરમારો કરતાં નાશભાગ મચી ગઇ હતી. એ-ડિવીઝન પોલીસે તાકીદે ઘટના સ્થળે પહોંચી મામલો થાળે પાડ્યો હતો. પોલીસે લોહાનગરમાં રહેતાં રામજીભાઇ જીવાભાઇ ડાભી (ઉ.૫૫) નામના કોળી પ્રોૈઢની ફરિયાદ પરથી ઇશા દેવીપૂજક, તેનો દિકરો લાખો, તેનો જમાઇ રમેશ, વિજય રામદાસ દેવીપૂજક, વિજયનો બનેવ રામલો, પ્રભા રામલો, વિજયનો દિકરો મહેશ, ભાવશા ઇશા વઢીયારા, તથા ચાર પાંચ બીજા અજાણ્યા શખ્સો સામે રાયોટની કલમો હેઠળ ગુનો નોંધ્યો છે.

રામજીભાઇના કહેવા મુજબ દિવાળીની રાત્રે પોતે તથા ઘરના છોકરાઓ અને અડોશી પડોશી ઘર બહાર બેસી ફટાકડા ફોડતા હતાં ત્યારે પડોશી દેવીપૂજક શખ્સ ઇશા અને તેના દિકરા લાખા તથા જમાઇ સહિતનાએ ઘર પાસે મોટા અવાજવાળા ફટાડકા ફોડવાનું ચાલુ કરતાં તેને દૂર ફોડવાનું કહેતાં આ બધા ઉશ્કેરાઇ ગયા હતાં અને પાઇપ, ધોકા, છરીથી હુમલો કરી પોતાને ઇજા પહોંચાડી હતી. તેમજ પોતાને બચાવવા વચ્ચે આવેલા પડોશી જયાબેન, હેમાલીબેન સહિતને પણ ઇજા થઇ હતી. આ લોકોએ પથ્થરમારો પણ કર્યોહ તો અને ઘરમાં તોડફોડ પણ કરી આતંક મચાવ્યો હતો.

પીઆઇ એન. કે. જાડેજા, પી.એસ.આઇ. વી. એમ. ડોડીયા અને ટીમે મામલો થાળે પાડી કાયદેસરની કાર્યવાહી કરી હતી.

(11:50 am IST)
  • મિઝોરમના મુખ્ય ચૂંટણી અધિકારી શશાંક દિલ્હી રવાના : ચૂંટણી પંચે સમન્સ પાઠવતા નવી દિલ્હી જવા મિઝોરમના મુખ્ય ચૂંટણી અધિકારી એસ,બી શશાંક દિલ્હી દોડ્યા : બિન સરકારી સંસ્થાને શશાંકને હટાવાની માંગ કરી રહ્યાં છે access_time 12:12 am IST

  • મહાગઠબંધન થવું જ જોઈએ :સરકાર કોંગ્રેસના બહારથી સમર્થનથી પણ બની શકે છે :ચંદ્રાબાબુ નાયડુની ગર્ભિત વાણી : નાયડુએ આરોપ લગાવ્યો કે સીબીઆઈ અને આરબીઆઇ સહિતની સંસ્થાઓનો ભાજપની એનડીએ સરકાર નુકશાન પહોંચાડી રહી છે :બેગલુરૂમાં તેલુગુ દેશમ પાર્ટીના અધ્યક્ષ અને આધ્રપ્રદેશના મુખ્યમંત્રી ચંદ્રાબાબુ નાયડુએ એચડી દેવગૌડા અને કુમારસ્વામીની લીધી મુલાકાત access_time 12:57 am IST

  • ક્યારેક શાકભાજી વેચાતી નૌહારાં શેખે પોન્જી સ્કીમમાં કમાયા હજારો કરોડ : 500 કરોડથી વધુની ઠગાઈના આરોપમાં મુંબઈ પોલીસે કરી ધરપકડ : નૌહરાને હૈદરાબાદ પોલીસને સોંપાઈ : તિરુપતિમાં ફેરી લગાવી શાકભાજી વેચાતી આ 45 વર્ષીય મહિલા 17 કંપનીની માલિકણ બની ગઈ અને તેનું 1000 કરોડનું ટર્નઓવર access_time 11:58 pm IST