Gujarati News

રાજકોટ તા. ૧૮ :.. રાજકોટ સહિત દેશવ્યાપી ટ્રક-ટેમ્પોની શુક્રવારથી બેમુદતી હડતાલ શરૂ થઇ રહી છે, ડીઝલમાં અસહ્ય ભાવ વધારો-દેશવ્યાપી ટોલ ટેકસ નાબૂદી સહિતની પ માંગણીઓ સાથે ઓલ ઇન્ડીયા ટ્રાન્સપોર્ટ એસો. એ હડતાલ જાહેર કરી છે, જેને રાજકોટ અને ગુજરાત એસો. એ ટેકો જાહેર કરી, હડતાલમાં જોડાવાની જાહેરાત કરી લાંબા અંતરનું બૂકીંગ બંધ કરી દિધુ છે, હવે કાલથી ટૂંકા અંતરનું બુકીંગ પણ બંધ કરી દેવાશે.

રાજકોટ ટ્રાન્સપોર્ટ એસો.ના પ્રમુખ હસુભાઇ ભગદેના ઉમેર્યા પ્રમાણે રાજકોટની ૯૦૦ ઓફીસોના શુક્રવારથી શટર નહી ખૂલે, રાજકોટના અને જીલ્લાના લગભગ ર૭ હજારથી વધૂ ખટારા ટેમ્પાના પૈંડા થંભી જશે, હડતાલમાં દૂધ-શાકભાજી-જીવન જરૂરી ચીજ વસ્તુઓ-પેટ્રોલ-ડીઝલ-કેરોસીનના વાહનને મુકિત અપાઇ છે.