Gujarati News

Gujarati News

News of Monday, 4th June 2018

ર૧ મી જૂને વિશ્વ યોગા દિનઃ કલેકટર તંત્ર રાજકોટમાં પાંચ મોટા કાર્યક્રમો કરશેઃ કાલે મીટીંગ

તાલુકા દીઠ બે કાર્યક્રમો થશેઃ કલેકટર તંત્ર એકી સાથે રપ હજારને યોગા કરાવશે : કાલે કોર્પોરેશન ઉપરાંત તમામ સંસ્થાઓને બોલાવાઇઃ તૈયારીઓ શરૂ

રાજકોટ તા. ૪ :.. આગામી ર૧ મી જૂને ભારત સહિત વિશ્વભરમાં યોગા દિવસ મનાવાશે, ગુજરાત સરકાર પણ, રાજયભરમાં વિશ્વ યોગા દિન ઉજવણીની તૈયારી ચાલી રહી છે, સરકારની સુચના બાદ રાજકોટ કલેકટર તંત્રે પણ એકી સાથે રપ હજારને યોગા કરાવવા અંગે તૈયારીઓ શરૂ કરી છે.

એડી. કલેકટરશ્રી હર્ષદ વોરાએ 'અકિલા' ને જણાવ્યું હતું કે, કલેકટર તંત્ર દ્વારા તમામના સહયોગથી રાજકોટમાં જીલ્લાના પ મોટા કાર્યક્રમો યોજવા અંગે તૈયારીઓ કરી લીધી છે, આ ઉપરાંત દરેક તાલુકા મથકે બે-બે કાર્યક્રમ, ડે. કલેકટરો દ્વારા કાર્યક્રમ ૧પ હજારની વસતી ધરાવતા મથકે - ગામડામાં એક કાર્યક્રમ અને નગરપાલીકા ઇચ્છે તો ત્યાં પણ એક કાર્યક્રમ થશે.

શ્રી વોરાએ ઉમેર્યુ હતું કે, આવતીકાલે કલેકટરશ્રીએ આ બાબતે કોર્પોરેશન - સ્વામીનારાયણ સંસ્થા, પતંજલી, રોટરી કલબ, સહિત તમામ સંસ્થાઓની મીટીંગ બોલાવી છે, જેમાં સ્થળ - સંખ્યા ફાઇનલ કરાશે, આ ઉપરાંત, આંગણવાડી-મીશન મંગલમ સહિતના બહેનો-તલાટીઓ મારફત પણ વધુમાં વધુ સંખ્યામાં લોકો-વિદ્યાર્થીઓ વિગેરે યોગામાં જોડાય તે માટે તૈયારીઓ કરાઇ છે. (પ-ર૦)

(4:09 pm IST)
  • કાબુલઃ ધર્મગુરૂઓની શાંતિ સભામાં આત્મઘાતી હુમલોઃ ૮ના મોતઃ ર૦૦૦ લોકો ઉપસ્થિત હતા access_time 4:21 pm IST

  • કેન્દ્રીય માહિતી પંચ (CIC)એ વડાપ્રધાન કાર્યાલય અને વિદેશ મંત્રાલયને કોહિનૂર હીરો, મહારાજા રણજીતસિંહનું સોનાનું સિંહાસન, શાહજહાનું હરિતાશ્મનો દારૂનો પ્યાલો અને ટીપૂ સુલ્તાનની તલવાર જેવી પ્રાચીન વસ્તુઓ સ્વદેશ પરત લાવવા માટે સરકારનાં પ્રયાસોનો ખુલાસો કરવા માટેનાં નિર્દેશ આપ્યા છે. આ તમામ પ્રાચીન વસ્તુઓ ભારતનો વૈભવી ઇતિહાસનું પ્રતિક છે અને લોકકથાઓનો હિસ્સો છે અને તે અંગ્રેજ સરકાર અને આક્રમણકર્તાઓ દ્વારા લૂંટીને લઇ જવામાં આવ્યા હતા. ત્યાર બાદ હાલ તે વિશ્વનાં અલગ અલગ સંગ્રહાલયોની શોભા વધારી રહ્યા છે. access_time 2:48 am IST

  • મોદી દેશ અને નિતિશ બિહારના નેતા : સુશિલ મોદી : બિહારમાં નિતિશકુમારના નેતૃત્વમાં ચુંટણી લડાશે access_time 3:57 pm IST