Gujarati News

Gujarati News

News of Monday, 4th June 2018

પીડીએમ કોલેજ પાસે દાળ પકવાનવાળા વિજયભાઇ પર ચાર શખ્સોનો હુમલો

ટેબલ રાખવું હોઇ લકઝરી બસ દૂર લેવાનું કહેતાં ડખ્ખો

રાજકોટ તા. ૪: કોઠારીયા રોડ હુડકો ચોકડી પાછળ વિનોદનગર-૧૬માં રહેતાં વિજયભાઇ જીકાભાઇ ગજરાણી (ઉ.૪૨) નામના ખવાસ યુવાનને તે સવારે દસેક વાગ્યે પી. ડી. માલવીયા કોલેજ પાસે મામલતદાર કચેરીની સામેના ભાગે પોતાની દાળ પકવાનની લારીએ હતો ત્યારે અજાણ્યા ચાર શખ્સોએ માથાકુટ કરી માથામાં કોઇ વસ્તુ મારી દેતાં સિવિલ હોસ્પિટલમાં ખસેડાયો હતો. હોસ્પિટલ ચોકીના જગુભા ઝાલા અને રવિભાઇ ગઢવીએ માલવીયાનગર પોલીસને જાણ કરી હતી. વિજયભાઇના કહેવા મુજબ પોતાને ટેબલ રાખવું હોઇ ત્યાં પાર્ક કરાયેલી લકઝરી બસને થોડી દૂર લેવાનું ચાલકને કહેતાં બોલાચાલી થતાં હુમલો થયો હતો.

લક્ષ્મીવાડીમાં સુરેશભાઇ કીડી મારવાનો પાવડર પી ગયા

લક્ષ્મીવાડી-૭માં સવિતા સદન ખાતે રહેતાં સુરેશભાઇ નટવરલાલ રત્નેશ્વર (ઉ.૬૮) સવારે કીડી મારવાનો પાવડર પી જતાં સિવિલ હોસ્પિટલમાં ખસેડાતાં ભકિતનગર પોલીસને જાણ કરાઇ હતી. (૧૪.૧૧)

(4:08 pm IST)
  • મુંબઇના આતંકવાદી હુમલાના માસ્ટરમાઇન્ડ હાફિઝ સઇદ, નું સંગઠન જમાત-ઉદ-દાવા 25 જુલાઈથી પાકિસ્તાનમાં સામાન્ય ચૂંટણીમાં અલ્લાહ-હૂ-અકબર તેહરીક દ્વારા લડશે. આ ગ્રૂપે મિલી મુસ્લિમ લીગ (એમએમએલ) ની એક રાજકીય પાર્ટી તરીકે સભ્યપદ મેળવ્યું નથી, આવી સંસ્થાના એક વરિષ્ઠ સભ્યએ આ માહિતી આપી હતી. access_time 2:47 am IST

  • બીટકોઈન તોડકાંડ :જીજ્ઞેશ મોરડીયા પાસેથી વધુ 30 લાખ રોકડ રિકવર કરવામાં આવ્યા :કુલ 503 બીટકોઈનને રોકડમાં ફેરવી નાખી હતી અત્યાર સુધી સીઆઇડી ક્રાઇમે 5 કરોડ રિકવર કર્યા :ત્રણેય આરોપીની પૂછપરછ ચાલુ access_time 12:36 am IST

  • કેન્દ્રીય માહિતી પંચ (CIC)એ વડાપ્રધાન કાર્યાલય અને વિદેશ મંત્રાલયને કોહિનૂર હીરો, મહારાજા રણજીતસિંહનું સોનાનું સિંહાસન, શાહજહાનું હરિતાશ્મનો દારૂનો પ્યાલો અને ટીપૂ સુલ્તાનની તલવાર જેવી પ્રાચીન વસ્તુઓ સ્વદેશ પરત લાવવા માટે સરકારનાં પ્રયાસોનો ખુલાસો કરવા માટેનાં નિર્દેશ આપ્યા છે. આ તમામ પ્રાચીન વસ્તુઓ ભારતનો વૈભવી ઇતિહાસનું પ્રતિક છે અને લોકકથાઓનો હિસ્સો છે અને તે અંગ્રેજ સરકાર અને આક્રમણકર્તાઓ દ્વારા લૂંટીને લઇ જવામાં આવ્યા હતા. ત્યાર બાદ હાલ તે વિશ્વનાં અલગ અલગ સંગ્રહાલયોની શોભા વધારી રહ્યા છે. access_time 2:48 am IST